ചേലക്കര: കൊണ്ടാഴി പഞ്ചായത്തിലെ മൂന്നാം വാർഡായ മൂത്തേടത്ത്പടിയിലെ ഉപതിരഞ്ഞെടുപ്പ് 21 ന് നടക്കും. എൽ.ഡി.എഫ് സ്ഥാനാർത്ഥിയായി ഒ. പ്രേമലതയും സന്ധ്യാ രാധാകൃഷ്ണൻ ബി.ജെ.പി സ്ഥാനാർത്ഥിയും പി.ആർ. ഗ്രീഷ്മ യു.ഡി.എഫ് സ്ഥാനർത്ഥിയുമാണ്. വാർഡംഗമായിരുന്ന ടി.ബി. രാധ കാൻസർ ചികിത്സയ്ക്കിടെ മരിച്ചതിനാലാണ് ഇവിടെ ഉപതിരഞ്ഞെടുപ്പ് വേണ്ടിവന്നത്. അവസാനവട്ട പ്രചാരണ പ്രവർത്തനങ്ങൾക്ക് ഇന്നലെ വൈകിട്ട് മായന്നൂർ തെരുവിൽ സമാപനം കുറിച്ചു. കഴിഞ്ഞ തവണ എൽ.ഡി.എഫ് ആണ് വിജയിച്ചിരുന്നത്. ബി.ജെ.പിയാണ് രണ്ടാം സ്ഥാനം നേടിയത്. പഞ്ചായത്ത് ഭരിക്കുന്ന ഈ വാർഡിൽ യു.ഡി.എഫ് മൂന്നാം സ്ഥാനത്തേക്ക് പിന്തള്ളപ്പെട്ടിരുന്നു.