വടക്കാഞ്ചേരി: മച്ചാട് രവിപുര മംഗലം ശ്രീകൃഷ്ണ ക്ഷേത്രത്തിലെ ഇല്ലംനിറ മഹോത്സവം 24ന് നടക്കും. രാവിലെ 8.30 നും 9.30നും ഇടയിലുള്ള മുഹൂർത്തത്തിലാണ് ചടങ്ങുകൾ. ഇല്ലംനിറയ്ക്കാവശ്യമായ നെൽക്കതിർ കറ്റകൾ പഴുന്നാന സ്വദേശി കൃഷ്ണൻകുട്ടി ക്ഷേത്ര സന്നിധിയിൽ എത്തിക്കും. തുടർന്ന് കുത്തുവിളക്കിന്റെയും വാദ്യമേളങ്ങളുടേയും അകമ്പടിയോടെ കതിർകറ്റുകൾ ഭഗവാന് മുന്നിലെത്തിക്കും. ക്ഷേത്രം മേൽ ശാന്തി ജഗദീഷ് എമ്പ്രാന്തിരി ഇല്ലംനിറചടങ്ങുകൾക്ക് മുഖ്യ കാർമ്മികത്വം വഹിക്കും. പൂജിച്ച നെൽക്കതിരുകൾ ഭക്തർക്ക് വിതരണം ചെയ്യും.