തിരുവനന്തപുരം: മുന്നാക്ക വിഭാഗങ്ങളിലെ സാമ്പത്തികമായി പിന്നാക്കം നിൽക്കുന്ന വിഭാഗങ്ങൾക്കായുള്ള കേരള സംസ്ഥാന കമ്മിഷന്റെ അദ്ധ്യക്ഷനും അംഗങ്ങളും ചുമതലയേറ്റു. കേരള ഹൈക്കോടതി മുൻ ജഡ്ജി ജസ്റ്റിസ് (റിട്ട) സി. എൻ. രാമചന്ദ്രൻ നായർ ചെയർമാനും അഡ്വ. മാണി വിതയത്തിൽ, ജി. രതികുമാർ എന്നിവർ മെമ്പർമാരുമായാണ് ചുമതലയേറ്റത്. മുന്നാക്ക വിഭാഗങ്ങളിലെ സാമ്പത്തികമായി പിന്നാക്കം നിൽക്കുന്ന വിഭാഗങ്ങളുടെ വിഷമതകൾ ദുരീകരിക്കുക, അവർക്കു സാമൂഹികവും സാമ്പത്തികവുമായ ഉന്നമനം കൈവരിക്കുന്നതിന് പ്രാപ്തരാക്കുക തുടങ്ങിയ കാര്യങ്ങൾക്കാണ് കമ്മിഷൻ പ്രഥമ പരിഗണന നൽകുന്നതെന്നു ചുമതലയേറ്റ ശേഷം ചെയർമാനും അംഗങ്ങളും പറഞ്ഞു.