ആര്യനാട്:ബൈക്ക് മോഷ്ടിച്ച കേസിൽ വർക്കല വയലിൽ വീട്ടിൽ ഹംസ (26),തൊളിക്കോട് മാങ്കോട്ടുകോണം കുന്നുംപുറത്ത് വീട്ടിൽ നൗഫൽ (29), മാങ്കോട്ടുകോണം കുന്നുംപുറത്ത് വീട് മാജിതാ ഭവനിൽ അൽ അമീൻ (27),ബീമാപളളി സ്വദേശി എസ്. അർഷാദ് (27) എന്നിവർ അറസ്റ്റിലായി.പറണ്ടോട് ചമ്പോട്ടുപാറ റോഡരികത്ത് വീട്ടിൽ ശാലിനിയുടെ ഭർത്താവിന്റെ ബൈക്കാണ് 30ന് രാവിലെ മോഷണം പോയത്.ഹംസ,നൗഫൽ,അൽ അമീൻ എന്നിവർ ചേർന്നാണ് ബൈക്ക് മോഷ്ടിച്ചതെന്ന് പൊലീസ് പറഞ്ഞു.തുടർന്ന് അർഷാദിന് വിറ്റു.മോഷണ മുതൽ വിൽക്കാൻ സഹായിക്കുന്ന ആളാണ് അർഷാദ്.പ്രതികളെ കോടതിയിൽ ഹാജരാക്കി.