പള്ളിക്കൽ: പള്ളിക്കൽ ജനമൈത്രി പൊലീസിന്റെയും പള്ളിക്കൽ സ്റ്റുഡന്റ്സ് പൊലീസ് കേഡറ്റിന്റെയും നേതൃത്വത്തിൽ ലഹരിവിരുദ്ധ കൂട്ടയോട്ടം സംഘടിപ്പിച്ചു. വി. ജോയി എം.എൽ.എ കൂട്ടയോട്ടം ഫ്ളാഗ് ഒഫ് ചെയ്തു. പള്ളിക്കൽ എസ്.എച്ച്.ഒ പി. ശ്രീജിത്ത്, പള്ളിക്കൽ പഞ്ചായത്ത് പ്രസിഡന്റ് എം. ഹസീന, മടവൂർ പഞ്ചായത്ത് പ്രസിഡന്റ് എം. ബിജുകുമാർ, നിഹാസ്, മുബാറക്. എം.സാഹിൽ, അനിൽ, സുജീനാ മക്തൂം എന്നിവർ സംസാരിച്ചു. പള്ളിക്കൽ ഗവ. എച്ച്.എസ്.എസ്, പകൽകുറി ഗവ. എച്ച്.എസ്.എസ്, മടവൂർ എൻ.എസ്.എസ് ഹയർസെക്കൻഡറി സ്കൂൾ, കടമ്പാട്ടുകോണം എസ്.കെ.വി ഹൈസ്കൂൾ എന്നിവിടങ്ങളിലെ അഞ്ഞൂറോളം എസ്.പി.സി കേഡറ്റുകളും പള്ളിക്കൽ പൊലീസ് സ്റ്റേഷനിലെ പൊലീസ് ഉദ്യോഗസ്ഥരും വ്യാപാരി വ്യവസായി ഏകോപന സമിതി പള്ളിക്കൽ യൂണിറ്റ് അംഗങ്ങളും കൂട്ടയോട്ടത്തിൽ പങ്കാളികളായി.