കോവളം: വെങ്ങാനൂർ ഗ്രാമപഞ്ചായത്തും തിരുവനന്തപുരം ഹോമിയോ മെഡിക്കൽ കോളേജും സംയുക്തമായി മെഡിക്കൽ ക്യാമ്പ് സംഘടിപ്പിച്ചു. പനങ്ങോട് എൻ.എസ്.എസ് കരയോഗം ഹാളിൽ നടന്ന മെഡിക്കൽ ക്യാമ്പ് വെങ്ങാനൂർ ഗ്രാമപഞ്ചായത്ത് പ്രസിഡന്റ് ആർ.എസ്. ശ്രീകുമാർ ഉദ്ഘാടനം ചെയ്‌തു. ഹോമിയോ മെഡിക്കൽ കോളേജ് സൂപ്രണ്ട് ഡോ. അജയകുമാർ ബാബു, ജില്ലാ മെഡിക്കൽ ഓഫീസർ ഡോ. പ്രദീപ് സി.എസ്, ഹോമിയോ ഫൗണ്ടേഷൻ ഓഫ് ഇന്ത്യ പ്രതിനിധി ഡോക്ടർ അനൂപ്, വിപിൻ, ഉമാദേവി തുടങ്ങിയവർ സംസാരിച്ചു.