പാലോട്:കുടവനാട് വട്ടക്കരിക്കകം ശ്രീഭദ്രകാളി മന്ത്രമൂർത്തി ക്ഷേത്രത്തിലെ പ്രതിഷ്ഠാ വാർഷികവും പ്രശ്നപരിഹാര പൂജയും 8,9,10 തീയതികളിൽ തന്ത്രി ബ്രഹ്മശ്രീ മയ്യനാട് ഗുരുഇല്ലം രവീന്ദ്രന്റെ നേതൃത്വത്തിൽ നടക്കുമെന്ന് പ്രസിഡന്റ് കെ.രാജേന്ദ്രനും സെക്രട്ടറി അജീഷ് എസ് എന്നിവർ അറിയിച്ചു..8 ന് രാവിലെ 6 ന് ആചാര്യവരണം.6.45 ന് ദീപാരാധന.9 ന് രാവിലെ 5.30 ന് പളളിയുണർത്തൽ തിരുനടതുറപ്പ്,നിർമ്മാല്യം,6 ന് മഹാഗണപതി ഹോമം,8 ന് തൃകാല ഭഗവതിസേവ ആരംഭം,9 ന് മഹാമൃത്യുഞ്ജയ ഹോമം,11ന് ഭഗവതി സേവ രണ്ടാംകാലം, വൈകിട്ട് 5.30 ന് സുദർശന ഹോമം,6.10 ന് ഭഗവതി സേവ മൂന്നാം കാലം,7.30 ന് പിതൃആവാഹന പൂജ.10 ന് രാവിലെ 7 ന് സായൂജ്യ പൂജ,തിലഹവനം,9.30 ന് പൊങ്കാല,9.40 ന് കലശപൂജ,10 ന് നാഗരൂട്ട്,11 ന് കലശാഭിഷേകം,12.30 ന് അന്നദാനം,5.30 ന് നിറമാല ചാർത്ത്,6.45 ന് അലങ്കാര ദീപാരാധന,10 ന് പൂപ്പട.