തിരുവനന്തപുരം: കേരള സർവകലാശാല യൂണിയൻ ഭാരവാഹികൾ സെന​റ്റ് ചേംബറിൽ നടന്ന ചടങ്ങിൽ വൈസ് ചാൻസലർ വി.പി.മഹാദേവൻപിള്ളയുടെ സാന്നിദ്ധ്യത്തിൽ സത്യപ്രതിജ്ഞ ചെയ്ത് ചുമതലയേറ്റു. യൂണിയൻ ചെയർമാനായി തിരഞ്ഞെടുക്കപ്പെട്ട കൊല്ലം ശ്രീനാരായണ കോളേജിലെ എം.എ.പൊളി​റ്റിക്കൽ സയൻസ് വിദ്യാർത്ഥി വിഷ്ണു എയ്ക്ക് വൈസ് ചാൻസലർ സത്യവാചകം ചൊല്ലിക്കൊടുത്തു. ജനറൽ സെക്രട്ടറിയായ ഗവ. സംസ്‌കൃത കോളേജിലെ ബി.എ.വേദാന്ത വിദ്യാർത്ഥി നസീം.എം അടക്കം മ​റ്റ് ഭാരവാഹികൾക്ക് ചെയർമാൻ സത്യവാചകം ചൊല്ലിക്കൊടുത്തു.