ഉദിയൻകുളങ്ങര:കലാപ്രേമി പത്രാധിപസമിതി അംഗമായിരുന്ന പി.എസ്.സുബൈദ ബീവിയുടെ നാല്പതാം ചരമദിനത്തോടനുബന്ധിച്ച് ബലിപെരുന്നാൾ വെള്ള വസ്ത്രങ്ങൾ വള്ളക്കടവ് ജവാഹിറുൽ ഉലൂം അറബി കോളേജിലെ വിദ്യാർത്ഥികൾക്ക് വിതരണം ചെയ്തു.അനുസ്മരണ പ്രാർത്ഥനാ ചടങ്ങ് യു.ഡി.എഫ് കൺവീനറും മുൻ മന്ത്രിയുമായ എം.എം.ഹസൻ ഉദ്ഘാടനം ചെയ്തു.പടവൻകോട് മുസ്ലിം ജമാഅത്ത് പ്രസിഡന്റ് എം.എ.റഹീം അദ്ധ്യക്ഷത വഹിച്ചു. മതപണ്ഡിതനും വാഗ്മിയുമായ വള്ളക്കടവ് മുസ്ലിം ജുമാമസ്ജിദ് ഇമാം അനസ് മിസ്ബാഹി ജവാഹിറുൽ ഉലൂം അറബി കോളേജ് മുദരിസു മാരായ ജാബിർ ഫാളിലി നടയറ,ഹാരിസ് ജവാഹിരി പൂഴനാട്, തിരുവനന്തപുരം മുസ്ലിം അസോസിയേഷൻ പ്രസിഡന്റ് നാസർ കടയറ,കിംസ് എക്സിക്യൂട്ടീവ് ഡയറക്ടർ ഇ എം നജീബ്, ഭാഷാ ഇൻസ്റ്റിറ്റ്യൂട്ട് മുൻ ഡയറക്ടർ ഡോ. എം.ആർ. തമ്പാൻ,സാബു കോട്ടപ്പുറം,പ്രവാസി ബന്ധു ഡോ. എസ്.അഹമ്മദ്, മുസ്ലിം ലീഗ് സംസ്ഥാന സെക്രട്ടറി ബീമാപള്ളി റഷീദ്,പണ്ഡിതസഭ ചെയർമാൻ ഹാജി.എ.എം. ബദറുദ്ദീൻ മൗലവി,മുസ്ലിം ലീഗ് ദേശീയ സമിതി അംഗം ഹാജി അട്ടക്കുളങ്ങര ശംസുദ്ദീൻ,കേരള മുസ്ലിം ജമാഅത്ത് സംസ്ഥാന സെക്രട്ടറി എ.സൈഫുദ്ദീൻ ഹാജി,എക്സ് കൗൺസിലർ വൈ.എം.താജുദ്ദീൻ,കെ.എം.ജെ.സി പ്രസിഡന്റ് കരമന ബയാർ,ഡെയിൽ വ്യൂ ഗ്രൂപ്പ് സി.ഇ.ഒ ഷൈജു ആൽഫി ഡേവിഡ്,അഡ്വ.ശബ്ന റഹീം ,മുഹമ്മദ് അസ്ലം എന്നിവർ സംസാരിച്ചു.