കാട്ടാക്കട: പരുത്തിപ്പള്ളി റേഞ്ച് ഓഫീസിൽ നിന്ന് കാണാതായ ചന്ദന വിഗ്രഹങ്ങൾ അതേ റേഞ്ച് ഓഫീസിൽ നിന്ന് കണ്ടെത്തി. പിടികൂടി സൂക്ഷിച്ചിരുന്ന ചന്ദനവിഗ്രഹങ്ങൾ നഷ്ടപ്പെട്ടന്ന് ഞായറാഴ്ച വൈകിട്ട് റേഞ്ച് ഓഫീസർ ഷാജിയാണ് കാട്ടാക്കട പൊലീസിന് പരാതി നൽകിയത്.

തുടർന്ന് പൊലീസ് അന്വേഷണവും വകുപ്പുതല അന്വേഷണവും ആരംഭിച്ചിരുന്നു. അന്വേഷണം പുരോഗമിക്കുന്നതിനിടെ റേഞ്ച് ഓഫീസിലെ തൊണ്ടിമുതൽ സൂക്ഷിക്കുന്ന സ്ഥലങ്ങളും മുറികളും പരിശോധിക്കുമ്പോഴാണ് നഷ്ടപ്പെട്ടന്ന് കരുതിയ ചന്ദന വിഗ്രഹങ്ങൾ കണ്ടെത്തിയത്. റിപ്പോർട്ട് ഉടൻ തന്നെ മന്ത്രിക്ക് കൈമാറും. പരാതി നൽകിയ റേഞ്ച് ഓഫീസറോടും വിശദീകരണം തേടും.