കോട്ടയം. ബസേലിയോസ് മാര്‍ത്തോമ്മാ പൗലോസ് ദ്വിതീയന്‍ ബാവായുടെ ഒന്നാം ഓര്‍മ്മപ്പെരുന്നാളിനോടനുബന്ധിച്ചുളള അനുസ്മരണ സമ്മേളനം 11ന് വൈകിട്ട് 7-ന് ദേവലോകം കാതോലിക്കേറ്റ് അരമന ഓഡിറ്റോറിയത്തില്‍ നടക്കും. ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവാ അദ്ധ്യക്ഷത വഹിക്കും. മന്ത്രി വി.എന്‍.വാസവന്‍ ഉദ്ഘാടനം നിര്‍വ്വഹിക്കും. പൗലോസ് ദ്വിതീയന്‍ ബാവായുടെ സ്മരണയില്‍ ആരംഭിച്ച 'സഹോദരന്‍' പദ്ധതിയുടെ സഹായവിതരണം മന്ത്രി വീണാ ജോര്‍ജ് നടത്തും. ബിഷപ്പ് സെബാസ്റ്റ്യന്‍ തെക്കത്തേച്ചേരില്‍, ബിഷപ്പ് ഉമ്മന്‍ ജോര്‍ജ്, ഉമ്മന്‍ചാണ്ടി എം.എല്‍.എ, തിരുവഞ്ചൂര്‍ രാധാകൃഷ്ണന്‍ എം.എല്‍.എ, കോട്ടയം നഗരസഭാ ചെയര്‍പേഴ്‌സണ്‍ ബിന്‍സി സെബാസ്റ്റ്യന്‍ എന്നിവര്‍ പ്രസംഗിക്കും.