ശ്രീകാര്യം: ശ്രീനാരായണ ഗുരുദേവന്റെ 168-ാമത് ജയന്തിയോടനുബന്ധിച്ച് ജന്മഗൃഹമായ ചെമ്പഴന്തി ശ്രീനാരായണ ഗുരുകുലത്തിൽ സെപ്‌തംബർ 8 മുതൽ 10 വരെ വിപുലമായ ആഘോഷ പരിപാടികൾ സംഘടിപ്പിക്കാൻ തീരുമാനിച്ചതായി ചെമ്പഴന്തി ശ്രീനാരായണ ഗുരുകുലം സെക്രട്ടറി സ്വാമി ശുഭാംഗാനന്ദ അറിയിച്ചു. വിശേഷാൽ പൂജകൾ, കേന്ദ്ര-സംസ്ഥാന മന്ത്രിമാരും സാമൂഹിക-സാംസ്കാരിക- ആദ്ധ്യാത്മിക രംഗത്തെ പ്രമുഖരും പങ്കെടുക്കുന്ന വിവിധ സമ്മേളനങ്ങൾ, അന്നദാനം, സമൂഹസദ്യ, കലാ-സാഹിത്യ മത്സരങ്ങൾ, അതിവിപുലമായ ജയന്തി ഘോഷയാത്ര, കലാപരിപാടികൾ, വിദ്യാഭ്യാസ അവാർഡ് വിതരണം തുടങ്ങിയ പരിപാടികളും നടക്കും.സ്വാമി ശുഭാംഗാനന്ദയുടെ അദ്ധ്യക്ഷതയിൽ ശ്രീനാരായണ ഗുരുകുലത്തിൽ ഇന്നലെ ചേർന്ന യോഗത്തിൽ കടകംപള്ളി സുരേന്ദ്രൻ എം.എൽ.എ (മുഖ്യ രക്ഷാധികാരി), മേയർ ആര്യാ രാജേന്ദ്രൻ, കൗൺസിലർ ചെമ്പഴന്തി ഉദയൻ (രക്ഷാധികാരികൾ), സ്വാമി സച്ചിദാനന്ദ (പ്രസിഡന്റ്), സ്വാമി ശുഭാംഗാനന്ദ (സെക്രട്ടറി), പ്രൊഫ. എസ്.ശിശുപാലൻ, ഷിബു. പി.എസ് (വൈസ് പ്രസിഡന്റ്), ഷൈജു പവിത്രൻ, വി.ആർ. ചന്ദ്രബാബു, കുണ്ടൂർ എസ്. സനൽ (ജോയിന്റ് സെക്രട്ടറി), അനീഷ് ചെമ്പഴന്തി (ജനറൽ കൺവീനർ) എസ്.എൻ.വി സുരേഷ് (ട്രഷറർ) എന്നിവരെ ആഘോഷക്കമ്മിറ്റി ഭാരവാഹികളായി തിരഞ്ഞെടുത്തു.

സബ് കമ്മിറ്റി കൺവീനർമാരായി എസ്. മധുസൂദനൻ, കെ. രാജശേഖരൻ, പി.എസ്. സുരേഷ് കുമാർ പാങ്ങപ്പാറ (ഫിനാൻസ്), സി.രാജേന്ദ്രൻ, എസ്. സുനിൽകുമാർ (ഘോഷയാത്ര), എസ്. സനിൽകുമാർ, ജി.രാജൻ, ഷൈജു കൃഷ്ണൻ.എസ് (അന്നദാനം ആൻഡ് അതിഥി സത്കാരം), ജയശങ്കർ. ജെ.വി, അനിൽ. എം.എസ്, (പബ്ലിസിറ്റി), വി.ശശിധരൻ, ഭാസി.എം.ആർ, (സ്റ്റേജ് ആൻഡ് ഡെക്കറേഷൻ), പി. മഹാദേവൻ (പ്രോഗ്രാം- സമ്മേളനം), രാജേഷ് പുന്നവിള (പ്രോഗ്രാം- കലാപരിപാടികൾ), വി.അനിൽകുമാർ, കെ. സോഹൻലാൽ (ലൈറ്റ് ആൻഡ് സൗണ്ട്), കെ.ആർ. വേണുഗോപാലൻ, ഡോ.എസ്. ഗീത, സിംല രാജീവ് (കലാസാഹിത്യ മത്സരങ്ങൾ), ആർ. മോഹൻകുമാർ വയൽവാരം, ജി. സന്തോഷ് കുമാർ ഗാന്ധിപുരം, മനോഹരൻ, അഖില്‍ പ്രകാശൻ (പൂജ ആൻഡ് പുഷ്പാലങ്കാരം), ആർ.രാംകുമാർ, അഭിഷേക്.എസ്.ജെ, വി. കനകാംബരൻ (മീഡിയ) എന്നിവരെയും തിരഞ്ഞെടുത്തു.

സെപ്തംബർ 10ന് വൈകിട്ട് 4ന് ഗുരുകുലത്തിൽ നിന്ന് ആരംഭിക്കുന്ന ജയന്തി ഘോഷയാത്ര ഉദയഗിരി - ജനതാറോഡ് - ചെല്ലമംഗലം - കരിയം -ചെക്കാലമുക്ക് - വെഞ്ചാവോട് വഴി ചെമ്പഴന്തി പോസ്റ്റോഫീസ് ജംഗ്ഷനിലെത്തി തിരികെ ഗുരുകുലത്തിൽ സമാപിക്കും.