ചിറയിൻകീഴ്: അങ്കണവാടി വർക്കേഴ്സ് ആൻഡ് ഹെൽപ്പേഴ്സ് അസോസിയേഷൻ (സി.ഐ.ടി.യു) ചിറയിൻകീഴ് പ്രോജക്ടിന്റെ നേതൃത്വത്തിൽ ഐ.സി.ഡി.എസ് ഓഫീസിനുമുന്നിൽ അവകാശദിനം ആചരിച്ചു.അങ്കണവാടി ജീവനക്കാരെ സർക്കാർ ജീവനക്കാരായി അംഗീകരിക്കുക,വേതനം വർദ്ധിപ്പിക്കുക,ജോലിഭാരം ലഘൂകരിക്കുക, തുടങ്ങിയ ആവശ്യങ്ങൾ അടങ്ങിയ നിവേദനം സി.ഡി.പി.ഒയ്ക്ക് നൽകി.തുടർന്ന് നടന്ന യോഗം സി.ഐ.ടി.യു ആറ്റിങ്ങൽ ഏരിയ സെക്രട്ടറി അഞ്ചുതെങ്ങ് സുരേന്ദ്രൻ ഉദ്ഘാടനം ചെയ്തു.യൂണിയൻ പ്രസിഡന്റ് സെൽവി ജാക്സൻ അദ്ധ്യക്ഷത വഹിച്ചു.യൂണിയൻ സെക്രട്ടറി സിന്ധു പ്രകാശ്,ജയശ്രീ തുടങ്ങിയവർ സംസാരിച്ചു.