വെള്ളറട: കർമ്മല മാതാമല അഞ്ചാമത് തീർത്ഥാടനത്തിന് ഇന്ന് കൊടിയേറി 17ന് സമാപിക്കും. ഇന്ന് വൈകിട്ട് 3ന് ഹോളിക്രോസ് നിത്യാരാധന ചാപ്പലിൽ നിന്ന് തീർത്ഥാടന പതാക പ്രയാണം ആരംഭിക്കും. 4ന് കുരിശുമല ഡയറക്ടർ ഡോ. വിൻസെന്റ് കെ.പീറ്റർ പതാക ഉയർത്തും. തുടർന്ന് 4.30ന് നടക്കുന്ന പൊതുസമ്മേളനം സി.കെ. ഹരീന്ദ്രൻ എം.എൽ.എ ഉദ്ഘാടനം ചെയ്യും. ഡോ. വിൻസെന്റ് കെ.പീറ്റർ അദ്ധ്യക്ഷത വഹിക്കും. ജില്ലാ പഞ്ചായത്ത് പ്രസിഡന്റ് സുരേഷ് കുമാർ മുഖ്യ സന്ദേശം നൽകും. പെരുങ്കടവിള ബ്ളോക്ക് പഞ്ചായത്ത് പ്രസിഡന്റ് ലാൽ കൃഷ്ണൻ,​ വെള്ളറട ഗ്രാമപഞ്ചായത്ത് പ്രസിഡന്റ് രാജ് മോഹൻ,​ പോൾ പി.ആർ,​ ആൽഫ്രഡ് വിത്സൻ,​ അൻസജിതാറസൽ,​ ജയന്തി,​ ജെ. ഷൈൻ കുമാർ,​ ആനി പ്രസാദ്,​ ശ്യാം,​ കെ. ലീല,​ തുടങ്ങിയവ‌ർ സംസാരിക്കും. 6ന് ആഘോഷമായ പ്രാരംഭ സമൂഹ ദിവ്യബലി നടക്കും. ഫാ. ജോയി സാബു മുഖ്യകാർമ്മികത്വം വഹിക്കും. ഫാ. രതീഷ് മാർക്കോസ് ആമുഖസന്ദേശവും ഫാ. ഷൈജു ആർ.എം വചന വിചിന്തനവും നടത്തും. കുരിശുമല,​ ആനപ്പാറ,​ കൊല്ലകോണം,​ അടികലം,​ ഇടവകകളുടെ നേതൃത്വത്തിൽ ഗാനശുശ്രൂഷ നടക്കും.