കിളിമാനൂർ:സർക്കാരിന്റെ നവകേരള വികസന കാഴ്ചപ്പാട് വിശദീകരിക്കാൻ സി.പി.എം കിളിമാനൂർ ഏരിയാ കമ്മിറ്റിയുടെ ജാഥയ്ക്ക് തുടക്കമായി.പുളിമാത്ത് പഞ്ചായത്തിലെ കാട്ടുംപുറം ജംഗ്ഷനിൽ ജില്ലാ സെക്രട്ടറി ആനാവൂർ നാഗപ്പൻ ഉദ്ഘാടനം ചെയ്തു.തങ്കമണി ആർ. കുറുപ്പ് അദ്ധ്യക്ഷത വഹിച്ചു. ജയേന്ദ്രകുമാർ സ്വാഗതം പറഞ്ഞു. പുളിമാത്ത് പഞ്ചായത്തിലെ കാരേറ്റ്,നഗരൂർ പഞ്ചായത്തിലെ ചെമ്മരത്ത് മുക്ക്,നഗരൂർ ടൗൺ,കരവാരം പഞ്ചായത്തിലെ ഞാറയ്ക്കാട്ടുവിള,പട്ട്‌ള,തോട്ടയ്ക്കാട്,പുതുശേരിമുക്ക് നാവായിക്കുളം പഞ്ചായത്തിലെ ഡീസന്റ്മുക്ക്, മുക്കുകട,കിഴക്കേനട എന്നീ കേന്ദ്രങ്ങളിൽ സ്വീകരണം ഏറ്റുവാങ്ങി ജാഥ നാവായിക്കുളം ഇരുപത്തിയെട്ടാം മൈലിൽ സമാപിച്ചു.ജാഥാ ക്യാപ്ടൻ ബി.പി. മുരളി സ്വീകരണത്തിന് നന്ദി അറിയിച്ചു.വൈസ് ക്യാപ്ടൻ മടവൂർ അനിൽ,മാനേജർ തട്ടത്തുമല ജയചന്ദ്രൻ,ജാഥാ അംഗങ്ങളായ സി.പി.എം ജില്ലാ കമ്മിറ്റിയംഗം ബി.സത്യൻ,എം .ഷാജഹാൻ,ആർ. രാജു,ഡി.സ്മിത,വി. ബിനു,ശ്രീജാഷൈജുദേവ് തുടങ്ങിയവർ വിവിധ കേന്ദ്രങ്ങളിൽ സംസാരിച്ചു.