തിരുവനന്തപുരം: ശ്രീപദ്മനാഭസ്വാമി ക്ഷേത്രത്തിലെ ആനികളഭത്തിന്റെ അവസാന ദിവസമായ ഇന്ന് രാത്രി 8.30ന് പദ്മനാഭ സ്വാമിയുടെയും നരസിംഹസ്വാമിയുടെയും തിരുവമ്പാടി ശ്രീകൃഷ്‌ണ സ്വാമിയുടെയും വിഗ്രഹങ്ങൾ ഗരുഡ വാഹനത്തിൽ എഴുന്നള്ളിച്ച് കർക്കടക ശീവേലിയും വലിയ കാണിക്കയും നടക്കും. ഭക്തജനങ്ങൾക്കും കാണിക്ക സമർപ്പിക്കാം.ആനികളഭത്തോടനുബന്ധിച്ച് നാളെ ക്ഷേത്ര തന്ത്രി തരുണനല്ലൂർ സതീശൻ നമ്പൂതിരിപ്പാടിന്റെ മുഖ്യകാർമ്മികത്വത്തിൽ ആടി പെരുന്തിരമൃതുപൂജ നടക്കും.ഭഗവാന് കലശാഭിഷേകം,​നെയ്യ് അഭിഷേകം,​ തേൻ അഭിഷേകം എന്നിവയുണ്ടാകും.അഭിഷേകം ചെയ്യുന്ന തേൻ,​ നെയ്യ് എന്നീ പ്രസാദങ്ങൾ ഭക്തർക്ക് ക്ഷേത്രത്തിന്റെ നാല് നടകളിലുള്ള കമ്പ്യൂട്ടർ കൗണ്ടറുകൾ വഴി വാങ്ങാം.നാളെ പുലർച്ചെ നിർമ്മാല്യദർശനം കഴിഞ്ഞ് രാവിലെ 6.30 മുതൽ 7 വരെയും ശേഷം രാവിലെ 9.45 മുതൽ 10.30 വരെയും മാത്രമേ ദർശനം ഉണ്ടാവൂ.വൈകിട്ട് 5 മുതൽ 6 വരെ ദർശനവും തുടർന്ന് ശ്രീഭൂതബലിയും നടക്കും.8.30ന് ശ്രീബലി എഴുന്നള്ളിപ്പ് നടക്കും.