തിരുവനന്തപുരം: ഏ​റ്റവും കൂടുതൽ ആഭ്യന്തര, വിദേശ സഞ്ചാരികൾ എത്തുന്ന കൊച്ചി കേന്ദ്രമായി ക്രൂയിസ് ടൂറിസവും ഫുഡ് ടൂറിസവും നടപ്പാക്കുമെന്ന് മന്ത്റി പി.എ.മുഹമ്മദ് റിയാസ് നിയമസഭയിൽ പറഞ്ഞു. വെണ്ടുരുത്തി പഴയപാലം ഫുഡ് സ്ട്രീ​റ്റാക്കി മാ​റ്റാനുള്ള പ്രവർത്തനങ്ങൾ പുരോഗമിക്കുകയാണ്. കൊച്ചി നഗര മേഖല, ഫോർട്ട് കൊച്ചി, മട്ടാഞ്ചേരി , കുമ്പളങ്ങി, ചെറായി , വൈപ്പിൻ തുടങ്ങിയ പ്രദേശങ്ങൾ ഉൾപ്പെടുന്ന കൊച്ചിയുടെ ടൂറിസം സാധ്യതകളെ ഫലപ്രദമായി ഉപയോഗിക്കും. മേഖല തിരിച്ചു നോക്കുമ്പോൾ 52 ശതമാനം വിദേശ വിനോദ സഞ്ചാരികളും മധ്യകേരളത്തിലേക്കാണ് എത്തുന്നത്. അതിൽ പ്രധാന പങ്കുള്ളത് കൊച്ചിക്കാണ്.