തിരുവനന്തപുരം: എന്റെ നഗരം, ശുചിത്വ നഗരം എന്ന നഗരസഭകൾക്കായി നടത്തുന്ന ശുചിത്വ മാലിന്യ സംസ്‌കരണ പദ്ധതികളുടെ മേഖലാതല ശില്പശാലകൾ 16, 19, 25 തീയതികളിൽ. മന്ത്രി എം.വി. ഗോവിന്ദൻ ഉദ്ഘാടനം ചെയ്യുന്ന ശില്പശാല 16ന് കണ്ണൂർ ധർമശാലയിലെ ഇന്ത്യൻ കോഫി ഹൗസ് ഹാളിലും 19ന് തിരുവനന്തപുരം ഐ.എം.ജി ഹാളിലും 25ന് എറണാകുളം ടൗൺ ഹാളിലുമായി നടക്കും. കേന്ദ്ര പാർപ്പിട നഗരകാര്യ മന്ത്രാലയം ഉദ്യോഗസ്ഥർ സെഷനുകൾക്ക് നേതൃത്വം നൽകും. സംസ്ഥാന ശുചിത്വമിഷൻ ഡയറക്ടർമാർ, പ്രോഗ്രാം ഓഫിസർമാർ തുടങ്ങിയവരും വിവിധ വിഷയങ്ങൾ അവതരിപ്പിക്കും. നഗരസഭാതലത്തിൽ ശുചിത്വ, മാലിന്യ സംസ്‌കരണ പദ്ധതികൾ ഊർജ്ജിതമാക്കുന്നതിന് പ്രവർത്തന രൂപരേഖ തയ്യാറാക്കും. കേന്ദ്ര സംസ്ഥാന മാനദണ്ഡങ്ങൾക്കനുസരിച്ച് പദ്ധതികൾ ക്രമീകരിക്കുന്നതിനാവശ്യമായ നടപടികൾ ശില്പശാല ചർച്ച ചെയ്യും.