ചിറയിൻകീഴ്: എസ്.എൻ.ഡി.പി യോഗം ചിറയിൻകീഴ് യൂണിയന് കീഴിലുള്ള അഴൂർ ശാഖയുടെ പ്രതിഭാ സംഗമവും കുടുംബ സംഗമവും നാളെ ഉച്ചയ്ക്ക് 2.30ന് അഴൂർ കാർത്തിക മിനി ഓഡിറ്റോറിയത്തിൽ നടക്കും. എസ്.എൻ.ഡി.പി യോഗം ചിറയിൻകീഴ് യൂണിയൻ പ്രസിഡന്റ് സി. വിഷ്ണു ഭക്തൻ ഉദ്‌ഘാടനം ചെയ്യും. അഴൂർ ശാഖ പ്രസിഡന്റ് ത്യാഗരാജൻ.സി അദ്ധ്യക്ഷത വഹിക്കുന്ന ചടങ്ങിൽ ഡയറക്ടർ ബോർഡ് അംഗം അഴൂർ ബിജു പ്രവർത്തന റിപ്പോർട്ട് അവതരിപ്പിക്കും. അവാർഡ് വിതരണം ചിറയിൻകീഴ് യൂണിയൻ സെക്രട്ടറി ശ്രീകുമാർ പെരുങ്ങുഴിയും കുടുംബയൂണിറ്റ് പ്രതിനിധികളെ ആദരിക്കൽ കൗൺസിലർ ഡി.വിപിൻ രാജും നിർവഹിക്കും. ചിറയിൻകീഴ് യൂണിയൻ വൈസ് പ്രസിഡന്റ് പ്രദീപ് സഭവിള, കൗൺസിലർമാരായ സി.കൃത്യദാസ്, ചിത്രാംഗദൻ എന്നിവർ പങ്കെടുക്കും. അഴൂർ ശാഖ സെക്രട്ടറി സിദ്ധാർത്ഥൻ.വി സ്വാഗതവും എക്സിക്യൂട്ടീവ് അംഗം ജയൻ അഴൂർ നന്ദിയും പറയും.