മുടപുരം: കേരള സ്റ്റേറ്റ് സർവീസ് പെൻഷനേഴ്‌സ് യൂണിയൻ അഴൂർ യൂണിറ്റ് കൺവൻഷൻ 21ന് രാവിലെ 9.30ന് പെരുങ്ങുഴി കെ.എസ്.എസ്.പി.യു അഴൂർ യൂണിറ്റ് ഹാളിൽ നടക്കും. ജില്ലാ വൈസ് പ്രസിഡന്റ് എസ്.രാംദാസ് ഉദ്‌ഘാടനം ചെയ്യും. യൂണിറ്റ് പ്രസിഡന്റ് ജെ.സുധാകരൻ അദ്ധ്യക്ഷത വഹിക്കും.

യൂണിറ്റ് സെക്രട്ടറി എ.ഹാരീദ് സ്വാഗതം പറയും. മെമ്പർഷിപ്പ് വിതരണോദ്‌ഘാടനം ബ്ലോക്ക് പ്രസിഡന്റ് കെ.ഉമാമഹേശ്വരൻ നിർവഹിക്കും. പ്ലസ് ടു കോമേഴ്‌സ് വിഭാഗത്തിൽ ഫുൾ എ പ്ലസും യു.എ.ഇയിൽ ഉയർന്ന മാർക്കും കരസ്ഥമാക്കിയ ഷെഹ്‌ന ഷെഹൻഷായെ ബ്ലോക്ക് സെക്രട്ടറി എസ്.നാസറുദ്ദീൻ അനുമോദിക്കും. യൂണിറ്റ് വൈസ് പ്രസിഡന്റ് എസ്.സദാശിവൻ പിള്ള,ബ്ലോക്ക് വനിതാ കൺവീനർ രാധമ്മ,യൂണിറ്റ് ജോയിന്റ് സെക്രട്ടറി എം.നടേശൻ ആശാരി എന്നിവർ സംസാരിക്കും.