തിരുവനന്തപുരം: വൈദ്യുതി നിരക്കുയർത്താൻ കാരണം പിരിഞ്ഞുകിട്ടാനുള്ള കോടികളുടെ കുടിശികയാണെന്ന് നിയമസഭയിൽ സമ്മതിച്ച മന്ത്രി കെ. കൃഷ്ണൻകുട്ടി മിനിറ്റുകൾക്കകം നിലപാടുമാറ്റി. താരിഫ് പുതുക്കിയതിൽ കുടിശിക ഒരു ഘടകമല്ലെന്നായിരുന്നു മലക്കം മറിച്ചിൽ. അൻവർ സാദത്ത് അവതരിപ്പിച്ച അടിയന്തര പ്രമേയ നോട്ടീസിനുള്ള മന്ത്രിയുടെ മറുപടിയിലാണിത്.

നിരക്കുവർദ്ധനയിൽ സർക്കാർ ഇടപെട്ടില്ലെന്ന് ആദ്യം പറഞ്ഞ മന്ത്രി, വർദ്ധന ഈ തോതിലെങ്കിലും നിറുത്താനായത് സർക്കാർ നിർദ്ദേശം മൂലമാണെന്നു പിന്നീട് അവകാശപ്പെടുകയും ചെയ്തു. സർക്കാർ ഇടപെട്ടില്ല എന്നല്ലേ മന്ത്റി ആദ്യം പറഞ്ഞതെന്ന് പ്രതിപക്ഷ നേതാവ് വി.ഡി. സതീശൻ ചോദിച്ചപ്പോൾ, അത് ഉപദേശം മാത്രമായിരുന്നെന്നു പറഞ്ഞ് തടിതപ്പി. കെ.എസ്.ഇ.ബിയിൽ അഴിമതിയാണെന്നും അതിന്റെ ഭാരം ജനങ്ങളുടെ തലയിൽ കെട്ടിവയ്ക്കുകയാണെന്നും ആരോപിച്ച് പ്രതിപക്ഷം നിയമസഭയിൽ നിന്ന് ഇറങ്ങിപ്പോയി.

1400 കോടി പ്രവർത്തന ലാഭം ഉണ്ടാക്കിയിട്ടും നിരക്ക് വർധിപ്പിച്ചത് അന്യായമാണെന്ന് അൻവർ സാദത്ത് പറഞ്ഞു. 2011-16 ൽ മൂന്നു തവണയായി 44.44 % നിരക്ക് കൂട്ടിയെങ്കിൽ 2016-22 വരെ മൂന്നു തവണയായി 19% മാത്രമാണെന്ന് മന്ത്രി പറഞ്ഞു. കെ.എസ്.ഇ.ബി 2018-19ൽ 290 കോടിയും 2019-20ൽ 269 കോടിയും 2020-21ൽ 1822 കോടിയും നഷ്ടത്തിലായിരുന്നു. 2021-22ൽ 1,400 കോടി ലാഭമുണ്ട്. എന്നാൽ സഞ്ചിത നഷ്ടം 14,800 കോടിയും വായ്പാ ബാദ്ധ്യത 10,600 കോടിയുമാണ്. മൊത്തം കുടിശിക 2,789 കോടിയാണ്. ഇതിൽ സർക്കാരിന്റേത് 1,300 കോടി വരും.

1400 കോടി ലാഭമുണ്ടായെന്ന് അവകാശപ്പെടുമ്പോൾ, യൂണി​റ്റിന് 40 പൈസ കുറയ്ക്കുകയാണ് ചെയ്യേണ്ടതെന്ന് വി.ഡി. സതീശൻ പറഞ്ഞു. ബോർഡിൽ സി.പി.എം അനുകൂല ഓഫീസേഴ്സ് അസോസിയേഷന്റെ ഭരണമാണെന്നും പറഞ്ഞു. പി.കെ. കുഞ്ഞാലിക്കുട്ടി, മോൻസ് ജോസഫ്, അനൂപ് ജേക്കബ്, കെ.കെ. രമ എന്നിവരും പ്രസംഗിച്ചു.

വൈദ്യുതി വാങ്ങൽ: കരാർ വ്യവസ്ഥ

മാറ്റിയാൽ 800 കോടി നേട്ടം

ദീർഘകാല വൈദ്യുതി കരാറുകളിൽ നിന്നു ചില വ്യവസ്ഥകൾ മാറ്റിയാൽ 800 കോടിയുടെ അധിക ബാദ്ധ്യത ഒഴിവാക്കാമെന്നും ഇക്കാര്യത്തിൽ ഉടൻ തീരുമാനമെടുക്കുമെന്നും മന്ത്റി കെ. കൃഷ്ണൻകുട്ടി പറഞ്ഞു. താപനിലയങ്ങളിൽ നിന്ന് 850 മെഗാവാട്ട് വൈദ്യുതി 25 വർഷത്തേക്ക് വാങ്ങുന്നതിന് 2014ൽ ബോർഡ് തീരുമാനിച്ചിരുന്നു. ഇതിൽ 300 മെഗാവാട്ട് വാങ്ങുന്നതിന് മാത്രമാണ് റഗുലേ​റ്ററി കമ്മിഷന്റെ അംഗീകാരമുള്ളത്. 565 മെഗാവാട്ടിന് അനുമതിയായിട്ടില്ല. ഇത് പരിശോധിക്കാൻ ഉന്നതതല സമിതിയെ നിയോഗിച്ചിരുന്നു.

വൈ​ദ്യു​തി​ ​മീ​റ്റ​റു​ക​ൾ​ ​പ്രീ​പെ​യ്ഡാ​ക്കും​ ​:​ ​മ​ന്ത്രി

തി​രു​വ​ന​ന്ത​പു​രം​:​ ​വൈ​ദ്യു​തി​ ​മീ​റ്റ​റു​ക​ൾ​ 2025​ഓ​ടെ​ ​പൂ​ർ​ണ​മാ​യി​ ​പ്രീ​പെ​യ്ഡ് ​സം​വി​ധാ​ന​ത്തി​ലേ​ക്ക് ​മാ​റ്റു​മെ​ന്നും​ ​ഇ​തോ​ടെ​ ​ആ​വ​ശ്യാ​നു​സ​ര​ണം​ ​റീ​ച്ചാ​ർ​ജ് ​ചെ​യ്ത് ​വൈ​ദ്യു​തി​ ​ഉ​പ​യോ​ഗി​ക്കാ​നാ​കു​മെ​ന്നും​ ​മ​ന്ത്രി​ ​കെ.​ ​കൃ​ഷ്ണ​ൻ​കു​ട്ടി​ ​നി​യ​മ​സ​ഭ​യി​ൽ​ ​അ​റി​യി​ച്ചു.​ ​ഇ​തി​നാ​യി​ ​കേ​ന്ദ്ര​സ​ർ​ക്കാ​രി​ന്റെ​ ​ആ​ർ.​ഡി.​എ​സ്.​എ​സ്
പ​ദ്ധ​തി​യി​ൽ​ ​ഉ​ൾ​പ്പെ​ടു​ത്തി​ 8175.05​കോ​ടി​ ​രൂ​പ​യു​ടെ​ ​പ​ദ്ധ​തി​ ​ആ​വി​ഷ്‌​ക​രി​ച്ചി​ട്ടു​ണ്ട്.​ ​വൈ​ദ്യു​തി​ ​ബി​ൽ​ ​സ​ഹ​ക​ര​ണ​ ​സ്ഥാ​പ​ന​ങ്ങ​ളി​ലൂ​ടെ​ ​അ​ട​ക്കു​ന്ന​തി​നു​ള്ള​ ​സം​വി​ധാ​നം​ ​ഒ​രു​ക്കും.​ ​ഇ​നി​യും​ ​വൈ​ദ്യു​തി​ ​എ​ത്തി​യി​ട്ടി​ല്ലാ​ത്ത​ ​ആ​ദി​വാ​സി​ ​ഊ​രു​ക​ളി​ൽ​ ​ഭൂ​ഗ​ർ​ഭ​കേ​ബി​ൾ​ ​വ​ഴി​ ​വൈ​ദ്യു​തി​ ​എ​ത്തി​ക്കു​ന്ന​തി​നു​ള്ള​ ​ച​ർ​ച്ച​ക​ൾ​ ​പു​രോ​ഗ​മി​ക്കു​ക​യാ​ണ്.​ ​ചി​ല​വേ​റി​യ​ ​പ​ദ്ധ​തി​യാ​യ​തി​നാ​ൽ​ ​എം.​എ​ൽ.​എ​ ​ഫ​ണ്ടു​ക​ൾ​ ​കൂ​ടി​ ​വി​നി​യോ​ഗി​ക്കേ​ണ്ടി​വ​രു​മെ​ന്നും​ ​മ​ന്ത്രി​ ​വ്യ​ക്ത​മാ​ക്കി.

​അ​ശോ​കി​നെ​ ​മാ​റ്റി​യ​ത് ​ഭ​ര​ണ​സൗ​ക​ര്യ​ത്തി​ന്
കെ.​എ​സ്.​ഇ.​ബി​ ​ചെ​യ​ർ​മാ​ൻ​ ​സ്ഥാ​ന​ത്ത് ​നി​ന്ന് ​ബി.​അ​ശോ​കി​നെ​മാ​റ്റി​യ​ത് ​ഭ​ര​ണ​പ​ര​മാ​യ​ ​സൗ​ക​ര്യ​ത്തി​ന്‌​ ​വേ​ണ്ടി​യാ​ണെ​ന്ന് ​മ​ന്ത്രി​ ​കൃ​ഷ്ണ​ൻ​കു​ട്ടി​ ​പ​റ​ഞ്ഞു.​ ​കെ.​എ​സ്.​ഇ.​ബി​യു​ടെ​ ​ഭ​ര​ണം​ ​മാ​നേ​ജ്‌​മെ​ന്റ് ​കൃ​ത്യ​മാ​യി​ ​നി​ർ​വ​ഹി​ക്കു​ന്നു.​ ​യൂ​ണി​യ​ൻ​ ​അ​തി​പ്ര​സ​രം​ ​നി​ല​വി​ലി​ല്ലെ​ന്നും​ ​അ​ദ്ദേ​ഹം​ ​കൂ​ട്ടി​ച്ചേ​ർ​ത്തു.