തിരുവനന്തപുരം: കിഫ്ബിയുമായി ബന്ധപ്പെട്ട കേസിൽ ഇ.ഡിക്ക് മുമ്പിൽ ഇന്ന് ഹാജരാകാൻ നേരമില്ലെന്ന് മുൻമന്ത്രി തോമസ് ഐസക് പറഞ്ഞു. ഇ - മെയിൽ വഴി ഇ.ഡിയുടെ നോട്ടീസ് ലഭിച്ചു. എന്നാൽ, ഇ.എം.എസ് അക്കാഡ‌മിയിൽ മൂന്ന് ക്ളാസുകൾ ഉള്ളതിനാൽ ഇന്ന് ഹാജരാകാനാകില്ല. പിന്നീടുള്ള കാര്യം പാർട്ടിയുമായി ആലോചിച്ച് തീരുമാനിക്കും. കിഫ്ബി കേസിൽ ഇ.ഡി എന്ത് അന്വേഷിക്കാനാണ്. എന്താണ് ഇപ്പോൾ കണ്ടെത്തിയതെന്നും മനസിലാകുന്നില്ല. ഇ.ഡിയെ ബി.ജെ.പി ആയുധമാക്കുകയാണ്. ബി.ജെ.പിക്ക് കേരളത്തിലെ വികസനം ഇഷ്ടപ്പെടുന്നില്ലെന്നും അദ്ദേഹം പറഞ്ഞു.