ആര്യനാട്:മലയോര മേഖലകളിലെ യാത്രാ ക്ലേശം അതിരൂക്ഷമായി നിലനിൽക്കുമ്പോൾ നിലവിലുള്ള ഷെഡ്യൂളുകൾ വെട്ടിച്ചുരുക്കുന്ന തീരുമാനം പുനപരിശോധിക്കണമെന്ന് ആർ.എസ്.പി ആര്യനാട് ലോക്കൽ സമ്മേളനം ആവശ്യപ്പെട്ടു. ദേശീയ സമ്മേളനത്തിന് മുന്നോടിയായുള്ള ആര്യനാട് ലോക്കൽ സമ്മേളനം ജില്ലാ സെക്രട്ടറി ഇറവൂർ പ്രസന്നകുമാർ ഉദ്ഘാടനം ചെയ്തു.വിനോബതാഹ അദ്ധ്യക്ഷത വഹിച്ചു.കെ.ജി.സുരേഷ് ബാബു,ജി.ശശി,അഷറഫുൽ ഹസൻ,എസ്.അനിൽ കുമാർ,വി.രത്നാകരൻ ,ഇ.ബൈജുഎന്നിവർ സംസാരിച്ചു.ഇറവൂർ ഷാജീവിനെ ലോക്കൽ സെക്രട്ടറിയായി വീണ്ടും തിരഞ്ഞെടുത്തു.