തിരുവനന്തപുരം: വിവിധ വകുപ്പുകളിലെ ലാസ്റ്റ് ഗ്രേഡ് സെർവന്റ്സിന്റെ റാങ്ക് ലിസ്റ്റ് ഇന്നലെ ചേർന്ന പി.എസ്.സി യോഗം അംഗീകരിച്ചു. എല്ലാ ജില്ലകളിലെയും റാങ്ക് ലിസ്റ്റുകൾക്കും അംഗീകാരം നൽകി. 2019 ഡിസംബർ 31ന് 548/2019 നമ്പർ കാറ്റഗറിയായാണ് വിജ്ഞാപനം പ്രസിദ്ധീകരിച്ചത്. രണ്ടു ദിവസത്തിനുള്ളിൽ റാങ്ക് ലിസ്റ്റുകൾ വെബ്‌സൈറ്റിൽ പ്രസിദ്ധീകരിക്കും.

 അഭിമുഖം നടത്തും
കേരള സ്റ്റേറ്റ് കോ-ഓപ്പറേറ്റീവ് റബ്ബർ മാർക്കറ്റിങ് ഫെഡറേഷൻ ലിമിറ്റഡിൽ (ഇന്റർ മിക്സ് ഫാക്ടറി) ഫാക്ടറി മാനേജർ (കാറ്റഗറി നമ്പർ 21/2022) തസ്തികയിലേക്ക് അഭിമുഖം നടത്തും.

ചുരുക്കപട്ടിക പ്രസിദ്ധീകരിക്കും
പാലക്കാട്, മലപ്പുറം, ഇടുക്കി ജില്ലകളിൽ വിദ്യാഭ്യാസ വകുപ്പിൽ യു.പി. സ്‌കൂൾ ടീച്ചർ (മലയാളം) - പട്ടികവർഗ്ഗം (കാറ്റഗറി നമ്പർ 304/2020),പാലക്കാട്, മലപ്പുറം, ഇടുക്കി ജില്ലകളിൽ വിദ്യാഭ്യാസ വകുപ്പിൽ എൽ.പി. സ്‌കൂൾ ടീച്ചർ (മലയാളം) - പട്ടികവർഗ്ഗം (കാറ്റഗറി നമ്പർ 305/2020) എന്നീ തസ്തികകളിലേക്ക് ചുരുക്കപട്ടിക പ്രസിദ്ധീകരിക്കും

സാദ്ധ്യതാപട്ടിക പ്രസിദ്ധീകരിക്കും

കേരള സ്റ്റേറ്റ് കോ-ഓപ്പറേറ്റീവ് റബ്ബർ മാർക്കറ്റിങ് ഫെഡറേഷൻ ലിമിറ്റഡിൽ ഇ.ഡി.പി. അസിസ്റ്റന്റ് (കാറ്റഗറി നമ്പർ 604/2021), വിവിധ ജില്ലകളിൽ വിവിധ വകുപ്പുകളിൽ എൽ.ഡി. ടൈപ്പിസ്റ്റ് -പട്ടികവർഗ്ഗം (കാറ്റഗറി നമ്പർ 216/2019), എറണാകുളം, മലപ്പുറം ജില്ലകളിൽ വിവിധ വകുപ്പുകളിൽ എൽ.ഡി. ടൈപ്പിസ്റ്റ് -പട്ടികജാതി/പട്ടികവർഗ്ഗം (കാറ്റഗറി നമ്പർ 257/2020),കേരള അഗ്രോ മെഷീനറി കോർപ്പറേഷൻ ലിമിറ്റഡിൽ മെക്കാനിക് (കാറ്റഗറി നമ്പർ 414/2019) എന്നീ തസ്തികകളിലേക്ക് സാദ്ധ്യതാപട്ടിക പ്രസിദ്ധീകരിക്കും.

 ഓൺലൈൻ പരീക്ഷ നടത്തും

കേരള സ്റ്റേറ്റ് കോ-ഓപ്പറേറ്റീവ് മാർക്കറ്റിംഗ് ഫെഡറേഷൻ ലിമിറ്റഡിൽ ഫിനാൻസ് മാനേജർ (കാറ്റഗറി നമ്പർ 349/2021) തസ്തികയിലേക്ക് ഓൺലൈൻ പരീക്ഷ നടത്തും.