കിളിമാനൂർ: കിളിമാനൂർ ഗവ. ഹയർ സെക്കൻഡറി സ്കൂളിലെ സ്ഥല പരിമിതിക്ക് പരിഹാരമാകുന്നു. ഹൈസ്ക്കൂൾ വിഭാഗത്തിനായി പുത്തൻ ബഹുനില കെട്ടിടം ഉദ്ഘാടനത്തിന് ഒരുങ്ങിക്കഴിഞ്ഞു. ആറ്റിങ്ങൽ വിദ്യാഭ്യാസ ജില്ലയിൽ ഏറ്റവും കൂടുതൽ പഠിക്കുന്ന കിളിമാനൂർ ഗവ. ഹയർ സെക്കൻഡറി സ്കൂളിൽ എസ്.എസ്.എൽ.സി, പ്ലസ് ടു പരീക്ഷകളിൽ ഫുൾ എ പ്ലസ്സുകളുടെ എണ്ണത്തിൽ ജില്ലയിൽ ഒന്നാം സ്ഥാനം കരസ്ഥമാക്കിയിരുന്നു. ഇവിടെ എയിഡഡ്, അൺ എയിഡഡ് സ്കൂളുകളെ വെല്ലുന്ന അക്കാഡമിക് മികവും, പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി ഓരോ വർഷവും വിദ്യാർത്ഥികളുടെ വർദ്ധനയാണുണ്ടാകുന്നത്. ഇതുകൊണ്ടുതന്നെ സ്കൂൾ സ്ഥലപരിമിതി ഇതിന് ബുദ്ധിമുട്ടുണ്ടായിരുന്നു.

അക്കാഡമിക്, കലാ, കായിക രംഗങ്ങളിൽ മികവ് പുലർത്തുന്ന സ്കൂളിന് അധികൃതർ വേണ്ടത്ര പരിഗണന കൊടുക്കുകയും കിഫ്ബി ഫണ്ടിൽ നിന്ന് പുതിയ കെട്ടിടത്തിനായി മൂന്ന് കോടി രൂപ അനുവദിക്കുകയും ചെയ്തു. കൂടാതെ ജില്ലാ പഞ്ചായത്തിന്റെ നേതൃത്വത്തിലുള്ള നിർമ്മാണ പ്രവർത്തനങ്ങളും നടന്നു.