തിരുവനന്തപുരം:കേരള മീഡിയ അക്കാഡമി തിരുവനന്തപുരം സബ് സെന്ററിൽ ആഗസ്റ്റ് ആദ്യവാരം ആരംഭിക്കുന്ന ഫോട്ടോ ജേർണലിസം കോഴ്സിലേക്ക് ഒഴിവുള്ള ഏതാനും സീറ്റുകളിലേക്ക് സ്‌പോട്ട് അഡ്മിഷൻ നടത്തും.താത്പര്യമുള്ളവർ ആഗസ്റ്റ് 6ന് മുമ്പ് അക്കാഡമിയുടെ തിരുവനന്തപുരം ശാസ്തമംഗലം സെന്ററിൽ പ്രവൃത്തി ദിവസം രാവിലെ 10നും വൈകിട്ട് 4നും ഇടയിൽ ആവശ്യമായ രേഖകളുമായി ഹാജരാകണമെന്ന് സെക്രട്ടറി അറിയിച്ചു. തിയറിയും പ്രാക്ടിക്കലും ഉൾപ്പെടെ മൂന്ന് മാസമാണ് കോഴ്സിന്റെ കാലാവധി. ശനി, ഞായർ ദിവസങ്ങളിലാണ് ക്ലാസുകൾ. പ്ലസ് ടുവാണ് വിദ്യാഭ്യാസയോഗ്യത. ഫീസ് 25,000 രൂപ. കൂടുതൽ വിവരങ്ങൾക്ക് ഫോൺ: 0471 2726275, 0484 2422275.