തിരുവനന്തപുരം: പേട്ട സെന്റ് ആൻസ് ഫെറോന ദേവാലയത്തിൽ വിശുദ്ധ അന്നയുടെ തിരുനാൾ കൊടിയേറ്റം ഇന്നലെ നടന്നു. ഡോ. ചാൾസ് ലിയോണിന്റെ മുഖ്യകാർമ്മികത്വത്തിൽ ദിവ്യബലിയും അജപാലന ശുശ്രൂഷയും നടന്നു. 30ന് വൈകിട്ട് 5.30ന് സന്ധ്യാ വന്ദന പ്രാർത്ഥനയ്ക്ക് പേട്ട ഫെറോന വികാരി ഫാ. റോബിൻസൺ. എഫ് മുഖ്യകാർമ്മികത്വം വഹിക്കും. തുടർന്ന് ജൂബിലി ആശുപത്രി മാനേജിംഗ് ഡയറക്ടർ ഫാ. തിയഡോഷ്യസ് വചനപ്രഘോഷണം നടത്തും. 31ന് രാവിലെ 6.30ന് ദിവ്യബലി, 9.30ന് ആഘോഷമായ പൊന്തിഫിക്കൽ ദിവ്യബലി നടക്കും. തിരുവനന്തപുരം അതിരൂപത സഹായമെത്രാൻ ഡോ. ക്രിസ്തുദാസ്. ആർ നേതൃത്വം നൽകും.