കിളിമാനൂർ: പ്രായപൂർത്തിയാകാത്ത ദളിത് പെൺകുട്ടിയെ വഴിയിൽ തടഞ്ഞുനിറുത്തി ദേഹോപദ്രവമേല്പിച്ച യുവാവ് അറസ്റ്റിൽ. കൊല്ലം ഇടയ്‌ക്കാട് ദേവഗിരി ജംഗ്ഷൻ ലിതിൻ ഭവനിൽ ലിതിനെയാണ് (31) കിളിമാനൂർ പൊലീസ് പിടികൂടിയത്. ഇക്കഴിഞ്ഞ 24ന് വൈകിട്ട് 5ഓടെ തൊളിക്കുഴി ഡ്രൈവിംഗ് സ്‌കൂളിന് സമീപമായിരുന്നു സംഭവം.

റോഡിലൂടെ നടന്നുവരികയായിരുന്ന പെൺകുട്ടിയെ മുൻ വൈരാഗ്യത്തിന്റെ പേരിൽ ബൈക്കിലെത്തിയ പ്രതി ഉപദ്രവിക്കുകയായിരുന്നു. ഓടി രക്ഷപ്പെട്ട പെൺകുട്ടി വീട്ടിലെത്തി വിവരമറിയിച്ചതിനെ തുടർന്ന് രക്ഷിതാക്കൾ കിളിമാനൂർ പൊലീസിൽ പരാതി നൽകി. ഒളിവിൽപോയ പ്രതിയെ ആറ്റിങ്ങൽ ഡിവൈ.എസ്.പിയുടെ നേതൃത്വത്തിലുള്ള അന്വേഷണ സംഘം പിടികൂടുകയായിരുന്നു. പ്രതിയെ റിമാൻഡ് ചെയ്‌തു.