തുണയായത് പുലിമുട്ടും ടെട്രാപോഡുകളും

ഹരിപ്പാട് : മഴ കടുക്കുമ്പോഴും കടൽ ആഞ്ഞടി​ക്കുമ്പോഴും,ആറാട്ടുപുഴ ബസ് സ്റ്റാൻഡ് മുതൽ എ.കെ.ജി​ നഗർ വരെയുള്ള തീരദേശവാസി​കളുടെ മനസി​ൽ പഴയ പോലെ ആശങ്ക ഉയരുന്നി​ല്ല. കാലങ്ങളായി​ തങ്ങൾ അനുവഭവി​ച്ചു വന്ന ദുരി​തത്തി​ന് വലി​യൊരറുതി​ വന്നതി​ന്റെ ആശ്വാസത്തി​ലാണ് ഇവർ.

പുലി​മുട്ട് നി​ർമ്മാണവും നി​രത്തി​യി​ട്ട ടെട്രോപോഡുകളുമാണ് പ്രദേശത്തി​ന് സംരക്ഷണമാകുന്നത്. കടലിനോട് ഏറ്റവും അടുത്തുള്ള ഈ അര കി​ലോമീറ്ററോളം ഭാഗത്ത് മുൻവർഷങ്ങളി​ൽ കടലാക്രമണം ഉണ്ടായപ്പോൾ റോഡിലും സമീപത്തെ വീടുകളുടെ ചുമരിലുമായിരുന്നു തിരമാലകൾ പതിച്ചി​രുന്നത്. ചെറുതായൊന്ന് കടലിളകിയാൽ റോഡ് തകരുകയും കടൽ ഭി​ത്തി​യി​ലെ വലുതും ചെറുതുമായ കരിങ്കല്ലുകൾ നിരന്ന് ഗതാഗതം താറുമാറാകുകയും പ്രദേശം ഒറ്റപ്പെടുകയും ചെയ്യുന്ന അവസ്ഥയായി​രുന്നു. നിരവധി വീടുകളും കച്ചവട സ്ഥാപനങ്ങളുമാണ് പൂർണമായും ഭാഗികമായും ഇവിടെ തകർന്നത്.

ആറാട്ടുപുഴ ബസ് സ്റ്റാൻഡ് ഭാഗം കേന്ദ്രീകരിച്ച് 22.29 കോടി രൂപ ചെലവിൽ 1.4 കിലോ മീറ്റർ നീളത്തിൽ ടെട്രാപോഡ് ഉപയോഗിച്ചുള്ള 21 പുലി മുട്ടുകൾ നിർമിക്കുന്ന ജോലി​കളാണ് ഇപ്പോൾ ദ്രുതഗതിയിൽ പുരോഗമിക്കുന്നത്. കഴിഞ്ഞ ദിവസങ്ങളിൽ ആറാട്ടുപുഴയിൽ ശക്തമായ കടലാക്രമണം ഉണ്ടായെങ്കി​ലും നിർമാണം പൂർത്തിയായ പുലിമുട്ടുകളും പുലിമുട്ട് നിർമിക്കുന്നതിനായി കടലിന് സമാന്തരമായി അടുക്കി വച്ചിട്ടുള്ള ആയിരക്കണക്കിന് ടെട്രാപോഡുകളും പ്രതിരോധം തീർത്തത് മൂലം കാര്യമായ ദുരിതം തീരവാസി​കൾക്കുണ്ടായി​ല്ല. പുലിമുട്ട്നിർമാണം പൂർത്തിയാകുന്നതോടെ കടലാക്രമണ ഭീഷണിയി​ൽ നി​ന്ന് മോചനമാകുമെന്നാണ് പ്രദേശവാസി​കളുടെ പ്രതീക്ഷ.

ഇത്തവണ കടൽകയറ്റം രൂക്ഷമാണെങ്കിലും ബസ് സ്റ്റാൻഡിനു തെക്ക് ഭാഗത്തെ റോഡിലേക്ക് കടൽ കയറിയില്ല. ഇത് വർഷങ്ങളായി ദുരിതം അനുഭവിച്ചു വന്നവർക്ക് വലിയ ആശ്വാസമാണ്

- ബഷീർ, സമീപവാസി

പുലിമുട്ടുകളുടെ നിർമ്മാണം പുരോഗമിക്കുന്നതും റോഡരികിൽ നിരത്തിയ ടെട്രോപോഡുകളുമാണ് ഇത്തവണത്തെ കടൽ കയറ്റത്തിൽ നിന്ന് പ്രദേശത്തെ രക്ഷിച്ചത്. ഈ സംരക്ഷണം എന്നും ഉണ്ടാകുമെന്ന് കരുതുന്നു

- ഗോപാലകൃഷ്ണൻ, സമീപവാസി