ചെറുകോൽ: ആത്മബോധോദയസംഘത്തിന്റെ കേന്ദ്ര സ്ഥാപനമായ ചെറുകോൽ ശ്രീശുഭാനന്ദാശ്രമത്തിൽ മൂന്നു മാസം കൂടുമ്പോൾ നടക്കുന്ന താരാസ്തുതി മഹായജ്ഞം ഇന്നലെ പ്രഭാതത്തിൽ ആശ്രമാധിപതി ദേവാനന്ദ ഗുരുദേവന്റെ അനുഗ്രഹപ്രഭാഷണത്തോടെ ആരംഭിച്ചു. ഞായറാഴ്ച സമാപിക്കും. ഗുരുപൂജ, ഗുരുദക്ഷിണ, പ്രാർത്ഥന, ആശ്രമപ്രദക്ഷിണം, എതിരേല്പ്, എഴുന്നള്ളത്ത് എന്നിവ നടന്നു. കേരളത്തിനകത്തും പുറത്തു നിന്നും അനേകം ഭക്തജനങ്ങൾ 21 ദിവസത്തെ വ്രതത്തോടെ താരാസ്തുതി യജ്ഞത്തിൽ പങ്കെടുക്കും. രാപ്പകൽ നാമസങ്കീർത്തനാലാപനവും പ്രാർത്ഥനയും നടക്കും. പങ്കെടുക്കുന്ന എല്ലാ ഭക്തജനങ്ങൾക്കും അന്നദാനവും ഉണ്ടാകും. ഞായറാഴ്ച എതിരേല്പ്, ആശ്രമപ്രദക്ഷിണം, ദീപക്കാഴ്ച, ശംഖനാ ദം, മണിനാദം, ഓങ്കാരധ്വനി തുടങ്ങിയ ചടങ്ങുകളോടെയാണ് സമാപനം.