ആലപ്പുഴ : എ.സി റോഡിൽ വെള്ളം കടയറുന്നത് തടയാൻ അടിയന്തര നടപടി സ്വീകരിക്കണമെന്ന് ആവശ്യപ്പെട്ട് ബ്ളോക്ക് പഞ്ചായത്തംഗം സി.വി.രാജീവ് ജില്ലാ കളക്ടർക്ക് നിവേദനം നൽകി. എ.സി റോഡിന്റെ പുനർ നിർമ്മാണത്തിന്റെ ഭാഗമായി എ.സി കനാൽ നികത്തി റോഡ് നിർമ്മിച്ചത് നീരൊഴുക്കിന് തടസമുണ്ടാക്കുകയാണെന്നും . പാറയിൽ കലുങ്ക് നിർമാണം പൂർത്തിയായിട്ടും നികത്തിയ ഭാഗം തുറന്ന് കൊടുക്കാത്തത് മൂലം വെള്ളം ഒഴുകിപ്പോകാത്തതായും നിവേദനത്തിൽ ചൂണ്ടിക്കാട്ടി.

കൊടിക്കുന്നിൽ സുരേഷ് എം.പി. കെ.എസ്.ടി.പിയും നിർമാണ കമ്പനിയുമായി നടത്തിയ ചർച്ചകളിൽ ജൂലായ് 31 നകം കനാൽ നികത്തിയത് പൂർവസ്ഥിയിലാക്കുമെന്ന് ഉറപ്പ് പറഞ്ഞിരുന്നെങ്കിലും അത് പാലിക്കപ്പെട്ടില്ലെന്ന് നിവേദനത്തിൽ പറയുന്നു.