ഹരിപ്പാട്: എസ്.എൻ. ഡി.പി. യോഗം കരുവാറ്റ വടക്ക് 2975ാം നമ്പർ ശാഖയിൽ ഗുരുചൈതന്യം ഭഷ്യക്കിറ്റ് വിതരണം വനിതാ സംഘം യൂണിറ്റ് പ്രസിഡന്റ് സുലോചന സുകുമാരൻ ഉദ്ഘാടനം ചെയ്തു. ശാഖാ വൈസ് പ്രസിഡന്റ് പി.വി.രമണൻ അദ്ധ്യക്ഷനായി. മേഖലാ കൺവീനർ കൂടിയായ എസ്.എൻ.ഡി.പിയോഗം കാർത്തികപ്പള്ളി യൂണിയൻ കൗൺസിലർ ദിനു വാലുപറമ്പിൽ മുഖ്യ പ്രഭാഷണം നടത്തി. കരുവാറ്റ ഗ്രാമപഞ്ചായത്ത് അംഗം അനിദത്തൻ, കമ്മിറ്റി അംഗങ്ങളായ സി.സജി, സാംബശിവൻ, സുകുമാരൻ തോന്നക്കൽ, വനിതാ സംഘം യൂണിറ്റ് സെക്രട്ടറി അനിതാ സാംബശിവൻ എന്നിവർ സംസാരിച്ചു. ശാഖാ സെക്രട്ടറി കെ.സുകുമാരൻ സ്വാഗതവും കമ്മിറ്റി അംഗം ഡി.ദേവദത്തൻ നന്ദിയും പറഞ്ഞു.