പൂച്ചാക്കൽ: ഫെഡറൽ ബാങ്ക് പൂച്ചാക്കൽ ശാഖയിൽ മുക്കുപണ്ടം പണയപ്പെടുത്തി എട്ട് ലക്ഷം രൂപ തട്ടിയെടുത്ത ശേഷം ഒളിവിൽ പോയ യുവാവി​നെ പൂച്ചാക്കൽ പൊലീസ് അറസ്റ്റ് ചെയ്തു. മുഹമ്മ പഞ്ചായത്ത് 9-ാം വാർഡ് പട്ടാറച്ചിറ വീട്ടിൽ സോനുവാണ് അറസ്റ്റി​ലായത്.

2021ഫെബ്രുവരിയിൽ നടന്ന തട്ടി​പ്പി​ൽ ബാങ്ക് മാനേജരുടെ പരാതിയിൽ പൊലീസ് കേസെടുത്ത് അന്വേഷണം നടത്തി വരികയായിരുന്നു. തമിഴ്നാട്ടിൽ ഒളിവിൽ കഴി​ഞ്ഞു വന്ന പ്രതി​യെ ചേർത്തല ഡിവൈ.എസ്.പി ടി.ബി.വിജയന്റെ നേതൃത്വത്തിലുള്ള പ്രത്യേക അന്വേഷണ സംഘം സൈബർ സെല്ലിന്റെ സഹായത്തോടെയാണ് പിടികൂടിയത്. പൂച്ചാക്കൽ സി​.ഐ അജയ്മോഹൻ, എസ്.ഐ ജേക്കബ് കെ.ജെ., സിവിൽ പൊലീസ് ഓഫീസർമാരായ പ്രവീഷ്, അരുൺ, ഗിരീഷ്, നിധിൻ, ബൈജു. അനീഷ്, എന്നിവരാണ് അന്വേഷണ സംഘത്തിൽ ഉണ്ടായിരുന്നത്. പാലാരിവട്ടം, ചേർത്തല, പൂച്ചാക്കൽ എന്നീ സ്റ്റേഷനുകളിൽ വിവിധ കേസുകളിൽ പ്രതി​യാണ് സോനുവെന്ന് പൂച്ചാക്കൽ പൊലീസ് അറിയിച്ചു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.