ചേർത്തല:കേരള മുനിസിപ്പൽ കോർപ്പറേഷൻ സ്​റ്റാഫ് അസോസിയേഷൻ ചേർത്തല യൂണി​റ്റ് കമ്മി​റ്റിയുടെ നേതൃത്വത്തിൽ നഗരസഭ ഓഫീസിന് മുന്നിൽ പ്രതിഷേധ ജ്വാല സംഘടിപ്പിച്ചു. ലീവ് സറണ്ടർ പുനസ്ഥാപിക്കുക, പൊതു സ്ഥലം മാ​റ്റം ഉടൻ നടപ്പാക്കുക,നഗരസഭകളുടെ പദ്ധതി വിതരണം വെട്ടിക്കുറയ്ക്കുന്ന തീരുമാനം പിൻവലിക്കുക, സമയബന്ധിതമായി പ്രൊമോഷൻ നടപടികൾ രാഷ്ട്രീയ ഭേദമന്യേ നടപ്പാക്കുക, ഡി.എ കുടിശ്ശി​​ക അനുവദിക്കുക, നഗരസഭ ജീവനക്കാരുടെ ശമ്പളവും പെൻഷനും സർക്കാർ ഏ​റ്റെടുക്കുക എന്നീ ആവശ്യങ്ങൾ ഉന്നയിച്ചായിരുന്നു സമരം. നേതാക്കളായ പി.എസ്.ഹാരീസ്,കെ.ഷിജുമോൻ, കെ.ഹസീം,ടി.കൃഷ്ണദാസ്,കവിത എന്നിവർ സംസാരിച്ചു.