ചേർത്തല: ശക്തമായി തുടരുന്ന കാ​റ്റിലും മഴയിലും പ്രതിസന്ധിയിലായ ഉൾനാടൻ മത്സ്യത്തൊഴിലാളികളെ

സൗജന്യ ഭക്ഷ്യക്കി​റ്റും സാമ്പത്തിക സഹായവും നൽകി സംരക്ഷിക്കണമെന്ന് ഉൾനാടൻ മത്സ്യത്തൊഴിലാളി യൂണിയൻ (സി.ഐ.ടി.യു) മുഹമ്മ ഏരിയാ പ്രസിഡന്റ് കെ.എൻ.ബാഹുലേയനും സെക്രട്ടറി എം.ഷാനവാസും പ്രസ്താവനയിൽ പറഞ്ഞു.

കാ​റ്റും മഴയും നീരൊഴുക്കും മൂലം ഒരാഴ്ചയായി വേമ്പനാട്ട് കായലിൽ മത്സ്യബന്ധനത്തിന് പോകാൻ കഴിയുന്നില്ല. തിരമാലയിൽ വള്ളങ്ങൾ കല്ലിൽ അടിച്ച് തകരുന്നതും വലയും മറ്റും ഒഴുകി​പ്പോകുന്നതും പതി​വാണ്. തണ്ണീർമുക്കം മുതൽ പുന്നമട വരെ വള്ളങ്ങളും വലയും സംരക്ഷിക്കാനുള്ള കേന്ദ്രങ്ങളി​ല്ല. ഒരു ലക്ഷം രൂപ വരെ ചെലവഴി​ച്ച് നിർമ്മിക്കുന്ന വലകളാണ് പലർക്കും നഷ്ടമായത്. മഴ കുറഞ്ഞാലും കായലിൽ നീരൊഴുക്കു ശക്തമായതി​നാൽ ഒരാഴ്ചയെങ്കി​ലും ഇനി​യും കായലി​ൽ പോകാനാവി​ല്ലെന്നും ഇരുവരും വ്യക്തമാക്കി​.