ഹരിപ്പാട്: ദേശിയ പാതയിൽ സ്ഥിരം അപകട മേഖലയായി മാറിയ കരുവാറ്റ വഴിയമ്പലം വളവിൽ ട്രാഫിക് സിഗ്നൽ സ്ഥാപിക്കാൻ നടപടികൾ സ്വീകരിക്കണമന്ന് കാർത്തികപ്പള്ളി താലൂക്ക് സഭ ആവശ്യപ്പെട്ടു. തോട്ടപ്പള്ളിയിൽ നിന്നും ഹരിപ്പാട് ഭാഗത്തേക്ക് വരുന്ന വഴിയമ്പലംവളവിൽ ട്രാഫിക് സിഗ്നലുകൾ ഇല്ലാത്തതിനാൽ രാത്രി കാലങ്ങളിൽ അപകടം പതിവാകുകയാണ്. താലൂക്ക് സഭയിൽ കോൺഗ്രസ് പാർട്ടിയേ പ്രതിനിധികരിക്കുന്ന ഡി.സി.സി ജനറൽ സെക്രട്ടറി അഡ്വ.വി.ഷുക്കുർ ആണ് പരാതി ഉന്നയിച്ചത്. ദേശിയ പാതയുടെ വീതികുട്ടുന്ന നടപടികളോടപ്പം തന്നേ ഹൈവേയിലെ നിലവിലുള്ള കുഴികൾ അടക്കുന്നതിനുള്ള നടപടികൾ സ്വികരിക്കണമെന്നും ആവശ്യപ്പെട്ടു. റോഡ് സേഫ്ടി അതോറട്ടിയുമായി ബന്ധപ്പെട്ട് ട്രാൻസ്ഫോർട്ട് വകുപ്പിന്റെ സഹായത്തോടെ ആവിശ്യമായ സുരക്ഷാ നടപടികൾ സ്വീകരിക്കുമെന്ന് കാർത്തികപ്പളളി തഹസിൽദാർ താലൂക്ക് സഭക്ക് ഉറപ്പ് നല്കി.