തുറവൂർ:കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ തുറവൂർ യൂണിറ്റിന്റെ സ്പെഷ്യൽ കൺവെൻഷൻ തുറവൂർ ഗ്രാമപഞ്ചായത്ത്‌ പ്രസിഡന്റ്‌ മോളി രാജേന്ദ്രൻ ഉദ്ഘാടനം ചെയ്തു. യൂണിറ്റ് പ്രസിഡന്റ്‌ പി.ആർ. വിജയകുമാർ അദ്ധ്യക്ഷനായി. എസ്.എൽ.സി പരീക്ഷയിൽ ഫുൾ എ പ്ലസ് നേടിയ വളമംഗലം ഹൈസ്കൂളിലെ വിദ്യാർത്ഥികൾക്കുള്ള കാഷ് അവാർഡ് വിതരണം പഞ്ചായത്ത്‌ വൈസ് പ്രസിഡന്റ്‌ സി.ഒ.ജോർജ് നിർവഹിച്ചു. യൂണിറ്റ്സെക്രട്ടറി ടൈറ്റസ് കുന്നേൽ, പി.മേഘനാദൻ , പി. രാമചന്ദ്രൻ നായർ , ടി.പി.മോഹനൻ , കെ.ശശി, എസ്. പ്രഭാവതി, ലത, സുകുമാരൻ , സത്യപാൽ, എം.വി. നാരായണൻ എന്നിവർ സംസാരിച്ചു.