തിരുവനന്തപുരം: കർഷകർ വലി​യതോതി​ൽ ചൂഷണം ചെയ്യപ്പെടുന്നുണ്ടെന്നു ഉത്പ്പന്നങ്ങൾക്ക് അദ്ധ്വാനത്തിനൊത്ത യഥാർത്ഥ മൂല്യം ലഭിക്കുന്നില്ലെന്നും മന്ത്രി ജി.ആർ.അനിൽ പറഞ്ഞു. തിരുവനന്തപുരം പാളയത്ത് പുതിയ കാർഷിക വിപണന സംസ്‌കാരവുമായി ആരംഭിക്കുന്ന ഫാം ഫെയ്സ് ഇ മാർട്ട് ഉദ്ഘാടനം ചെയ്യുകയായിരുന്നു മന്ത്രി​.

കാർഷിക വിളകൾക്ക് 15 കൊല്ലം മുൻപ് ഉണ്ടായിരുന്നതിൽ നിന്നു അഞ്ചു രൂപയുടെ വ്യത്യാസം മാത്രമാണ് ഇപ്പോഴും കർഷകന് ലഭിക്കുന്നത്. ഇതിന്റെ ലാഭവും നേട്ടവും ഇടനിലക്കാരും മ​റ്റുള്ളവരുമാണ് കൊണ്ടുപോകുന്നത്. ഈ സാഹചര്യത്തിൽ ഫാം ഫെയ്സ് ലഷ്യമിടുന്ന വിപണന സംസ്‌കാരം അഭിനന്ദനാർഹമാണ്. കർഷകരിൽ നിന്നു നേരിട്ട് ഉത്പന്നം സ്വീകരിച്ചു നേരിട്ട് ഉപഭോക്താവിലേക്കു എത്തിച്ച് അവർക്ക് വിപണന സാദ്ധ്യത ഉണ്ടാക്കുയെന്നത് കർഷകർക്ക് ആശ്വാസം പകരുമെന്നും മികച്ച വില കർഷകന് ലഭിക്കുമെന്നും മന്ത്രി​ പറഞ്ഞു. ചടങ്ങിൽ ഫാം ഫേസ് ഫ്രാഞ്ചൈസികളുടെ ഉദ്ഘാടനവും മന്ത്രി​ നിർവഹിച്ചു. കേരളത്തിലെ എട്ടാമത്തെ ഇ മാർട്ടാണ് പാളയത്ത് ആരംഭിച്ചത്. ആറു മാസത്തിനുള്ളിൽ സംസ്ഥാനത്ത് ഇരുപതോളം ഇ മാർട്ടുകളും പുതിയ വിപണന സംസ്‌കാരവുമായി ബന്ധപ്പെട്ട് അഞ്ഞൂറോളം ഫ്രാഞ്ചൈസികളും തുറക്കുമെന്ന് ഫാം ഫെയ്സ് ചെയർമാൻ സിജു സാം പറഞ്ഞു. പാളയം വാർഡ് കൗൺസിലർ രാജൻ ആദ്യ വിൽപ്പന നിർവഹിച്ചു. തിരുവനന്തപുരം ജില്ലാ പഞ്ചായത്ത് ക്ഷേമ കാര്യ സ്​റ്റാന്റിംഗ് കമ്മി​റ്റി ചെയർമാൻ വിളപ്പിൽ രാധാകൃഷ്ണൻ,ഫാം ഫെയ്സ് ഇ മാർട്ട് ഉടമ സുരേഷ്, ഫ്രാഞ്ചൈസി മാനേജർ ലബീബ് കരിപ്പാക്കുളം, ഇ മാർട്ട് ഡിവിഷൻ മാനേജർ അരുൺ രവി എന്നിവർ പങ്കെടുത്തു.