ആലപ്പുഴ: സംസ്ഥാനത്തെ ഹൈസ്കൂളുകളിൽ നിലനിന്നിരുന്ന 1:40 എന്ന അദ്ധ്യാപക വിദ്യാർത്ഥി അനുപാതം അകാരണമായി പിൻവലിച്ചതിൽ പ്രതിഷേധിച്ച് കേരള പ്രദേശ് സ്കൂൾ ടീച്ചേഴ്സ് അസോസിയേഷൻ (കെ.പി.എസ്.ടി.എ) ആലപ്പുഴ വിദ്യാഭ്യാസ ജില്ല കമ്മിറ്റിയുടെ നേതൃത്വത്തിൽ ഡി.ഇ.ഒ ഓഫീസിന് മുന്നിൽ പ്രതിഷേധ ധർണ സംഘടിപ്പിച്ചു. ധർണ സംസ്ഥാന പ്രസിഡന്റ് സി.പ്രദീപ് ഉദ്ഘാടനം ചെയ്തു.പൊതുവിദ്യാഭ്യാസത്തെ തകർക്കുന്ന ഈ ഉത്തരവ് അടിയന്തിരമായി പിൻവലിക്കണമെന്ന് കെ.പി.എസ്.ടി.എആവശ്യപ്പെട്ടു. യോഗത്തിൽ വിദ്യാഭ്യാസ ജില്ലാ പ്രസിഡന്റ് എം.മനോജ് കുമാർ അദ്ധ്യക്ഷനായി. ബിനോയ് വർഗീസ്, പി.യു.ഷറഫുട്ടി ,ഉമ്മർ കുഞ്ഞ്, രാജേഷ്, വി.ആർ. ജോഷി,ജോൺ ബ്രിട്ടോ, ജോൺസൺ ജോസ്, കെ.പി.ഗീത, പി.സുധ,പ്രശാന്ത് എം.നമ്പൂതിരി ,സുഹയിൽ, വിനോദ് രാജൻ എന്നിവർ സംസാരിച്ചു.