കുട്ടനാട്: കുട്ടനാട്ടിൽ വെളളപ്പൊക്ക ദുരിതം അനുഭവിക്കുന്നവർക്ക് സർക്കാർ സഹായം നൽകണമെന്ന് മങ്കൊമ്പി​ൽ നടന്ന ബി.ഡി.ജെ.എസ് കുട്ടനാട് നിയോജക മണ്ഡലം കമ്മി​റ്റി ആവശ്യപ്പെട്ടു.

കൃഷിനാശമുണ്ടായ കർഷകർക്ക് സഹായമെത്തി​ക്കണം. മടവീഴ്ചമൂലം കൃഷി നശിച്ച പാടങ്ങൾ കൃഷി യോഗ്യമാക്കാനുള്ള ചെലവുകൾ സർക്കാർ നൽകണം. പുതിയ കൃഷി ഇറക്കാനുളള വിത്തും വളവും സൗജന്യമായി ലഭ്യമാക്കണം. മടവീഴ്ചയിൽ വീടും സ്ഥലവും നഷ്ടപ്പെട്ട ചമ്പക്കുളം മുപ്പത്തഞ്ചിൽചിറ വീട്ടിൽ ജയകുമാറിന് വീട് നി​ർമ്മി​ച്ചു നൽകാൻ നടപടി വേണമെന്നും യോഗം ആവശ്യപ്പെട്ടു. സംസ്ഥാന ജനറൽ സെക്രട്ടറി അഡ്വ. പി.എസ്. ജോതിസ് ഉദ്ഘാടനം ചെയ്തു. ജില്ലാ കമ്മി​റ്റി അംഗം കെ.പി. സുബീഷ് അദ്ധ്യക്ഷത വഹിച്ചു. സംസ്ഥാന വൈസ് പ്രസിഡന്റ് തമ്പി മേട്ടുതറ മുഖ്യപ്രഭാഷണം നടത്തി. സംസ്ഥാന ജനറൽ സെക്രട്ടറി സന്ദീപ് പച്ചയിൽ സംഘടനാ സന്ദേശം നൽകി. ജില്ലാ പ്രസിഡന്റ് ടി​. അനിയപ്പൻ ഭാവി പ്രവർത്തനങ്ങളുടെ രൂപരേഖ അവതരിപ്പിച്ചു. സംസ്ഥാന സെക്രട്ടറി സന്തോഷ് ശാന്തി മുഖ്യപ്രസംഗം നടത്തി. ജില്ലാ സംഘടനാ സെക്രട്ടറി എ.ജി. സുഭാഷ്, ബി.ഡി.എം.എസ് ജില്ലാ പ്രസിഡന്റ് സുശീലാ മോഹനൻ തുടങ്ങിയവർ സംസാരി​ച്ചു. മണ്ഡലം സെക്രട്ടറി രഞ്ജു തട്ടാശ്ശേരി സ്വാഗതവും വൈസ് പ്രസിഡന്റ് വിനോദ് മേപ്രാശ്ശേരി നന്ദി​യും പറഞ്ഞു.