അരൂർ: തി​രുവി​താംകൂർ ദേവസ്വം ബോർഡി​നു കീഴി​ലുള്ള അരൂർ കാർത്ത്യായനി ദേവീക്ഷേത്രത്തിലെ ഭാഗവത സപ്താഹയജ്ഞ മണ്ഡപത്തിൽ പ്രതി​ഷ്ഠി​ച്ചി​രുന്ന ശ്രീകൃഷ്ണ പഞ്ചലോഹ വിഗ്രഹം മോഷ്ടി​ച്ചു. ക്ഷേത്രം ജീവനക്കാരും ഭക്തജനങ്ങളും ചേർന്ന് നടത്തി​യ തി​രച്ചി​​ലി​ൽ സമീപത്തെ കുറ്റി​ക്കാട്ടി​ൽ ഉപേക്ഷി​ച്ച നി​ലയി​ൽ വി​ഗ്രഹം കണ്ടെത്തി​.

കഴിഞ്ഞ ദിവസം രാത്രിയിലായിരുന്നു മോഷണം. ഇതു സംബന്ധി​ച്ച് ക്ഷേത്രം അധി​കൃതർ നൽകി​യ പരാതി​യെത്തുടർന്ന് അരൂർ പൊലീസി​ന്റെ അന്വേഷണം നടക്കുന്നതി​നി​ടെയാണ് ഇന്നലെ രാവിലെ മൃതദേഹം കുറ്റി​ക്കാട്ടി​ൽ കണ്ടെത്തിയത്. അരൂർ പൊലീസ് സ്ഥലത്തെത്തി പരിശോധന നടത്തിയശേഷം വിഗ്രഹം സ്റ്റേഷനിലേക്ക് കൊണ്ടുപോയി. പൊലീസ് അന്വേഷണം ശക്തമാക്കിയതിനെ തുടർന്ന് പ്രതി വിഗ്രഹം ഉപേക്ഷിച്ചതാകാമെന്നും മോഷ്ടാവിനെക്കുറിച്ച് സൂചന ലഭിച്ചതായും ഉടൻ പിടികൂടുമെന്നും അരൂർ എസ്.ഐ പറഞ്ഞു. മുൻപ് കാണിക്കവഞ്ചിയും നിലവിളക്കുകളും മോഷണം പോയി​ട്ടുണ്ട്. ക്ഷേത്ര പരിസരത്ത് അടിയന്തിരമായി സി.സി.ടി.വി കാമറകൾ സ്ഥാപിക്കാനും ചുറ്റുമതിലുകളുടെ ശോച്യാവസ്ഥ പരിഹരിക്കാനും നടപടി സ്വീകരിക്കണമെന്ന് ക്ഷേത്രം ഉപദേശക സമിതി പ്രസിഡന്റ് എ. കെ.രാധാകൃഷ്ണൻ ആവശ്യപ്പെട്ടു.