ചേർത്തല: 108 ആംബുലൻസ് ജീവനക്കാർക്ക് റിസ്‌ക് അലവൻസ് അനുവദിക്കണമെന്ന് കേരള സ്​റ്റേ​റ്റ് 108 ആംബുലൻസ് എംപ്ലോയീസ് യൂണിയൻ (കെ.എസ്.എ.ഇ.യു -108) പ്രഥമ സംസ്ഥാന സമ്മേളനം ആവശ്യപ്പെട്ടു. ഡ്യൂട്ടി സമയം 8 മണിക്കൂറായി കുറയ്ക്കണമെന്നും ആംബുലൻസ് പാർക്കിംഗ് ലൊക്കേഷനുകളിൽ റസ്​റ്റ് റൂം അനുവദിക്കണമെന്നും സമ്മേളനം വ്യക്തമാക്കി​. സി.ഐ.ടി.യു സംസ്ഥാന സെക്രട്ടറി കെ.എൻ.ഗോപിനാഥ് ഉദ്ഘാടനം ചെയ്തു. കെ.സി.ശ്രീകുമാർ അദ്ധ്യക്ഷനായി. സജിൻ മാത്യു സ്വാഗതം പറഞ്ഞു. തിരിച്ചറിയൽ കാർഡ് വിതരണം പി.പി.ചിത്തരഞ്ജൻ എം.എൽ.എ നിർവഹിച്ചു. ഭാരവാഹികളായി പി.ഗാനകുമാർ (പ്രസി​ഡന്റ്), ശ്രീകുമാർ, ജാക്‌സൺ, സുമേഷ് (വൈസ് പ്രസി​ഡന്റുമാർ), വി.ആർ.രാജീസ് (ജനറൽ സെക്രട്ടറി​), ധനേഷ്, അബ്ദുൾ സലിം വി.എസ്.അർച്ചന (സെക്രട്ടറി​മാർ), സജിൻ മാത്യു (ട്രഷറർ) എന്നി​വരെ തിരഞ്ഞെടുത്തു.