അമ്പലപ്പുഴ :ദേശീയപാതയിൽ നിയന്ത്രണം തെറ്റിയ ലോറി ഇടിച്ച് ബൈക്ക് യാത്രക്കാരൻ മരിച്ചു. പുന്നപ്ര തെക്കു പഞ്ചായത്ത് ആറാം വാർഡിൽ ഗീതാജ്ഞലി (പുതുക്കോട്) യിൽ ഗോപാലപിള്ള - കാർത്തിക ദമ്പതികളുടെ മകൻ അനീഷ് കുമാർ (28) ആണ് മരിച്ചത്. കഴിഞ്ഞ ദിവസം വൈകിട്ട് 3.45 ഓടെ കുറവൻതോട് ജംഗ്ഷന് തെക്കുഭാഗത്തായിരുന്നു അപകടം.വണ്ടാനം ഭാഗത്തേക്കു പോകുകയായിരുന്ന അനീഷിന്റെ ബൈക്കിൽ എതിർദിശയിൽ വന്ന ലോറി ഇടിക്കുകയായിരുന്നു. അനീഷ് സംഭവസ്ഥലത്തു മരിച്ചു.. പിക്കപ്പ് വാനിലെ ഡ്രൈവറായിരുന്നു. സഹോദരങ്ങൾ: അജിത് കുമാർ, അഞ്ജലി.