ചെങ്ങന്നൂർ: എസ്. എൻ.ഡി.പി യോഗം ചെങ്ങന്നൂർ യൂണിയനിലെ 71-ാം നമ്പർ ആലാ ശാഖയുടെ നേതൃത്വത്തിൽ ആരംഭിച്ച ഒന്നാമത് ആലാ ശ്രീനാരായണ കൺവെൻഷൻ ഇന്ന് സമാപിക്കും. ഇന്ന് രാവിലെ 10 ന് മൃതസഞ്ജീവനിയായ ഗുരുദേവ കൃതികൾ എന്ന വിഷയത്തിൽ ആശാ പ്രദീപും ഉച്ചയ്ക്ക് 2.30 ന് മനഃശക്തിയിലൂടെ ജീവിത വിജയം എന്ന വിഷയത്തിൽ ഡോ.മുരളീ മോഹനും പ്രഭാഷണം നടത്തും. ശാഖാ വക ഗുരുമന്ദിരത്തിൽ രാവിലെ 5.30 മുതൽ വിശേഷാൽ പൂജകളും 8 ന് വിശ്വ ശാന്തി ഹവനവും നടക്കും. ഇന്നലെ കൺവെൻഷനിൽ ഷീബ ടീച്ചർ, ബിജു പുളിക്കലേടത്ത് എന്നിവർ പ്രഭാഷണം നടത്തി. വിവിധ പൂജകൾക്ക് വൈദിക യോഗം യൂണിയൻ ഭാരവാഹികൾ നേതൃത്വം നൽകുന്നു.