ചേർത്തല: ചേർത്തല താലൂക്ക് ആശുപത്രിയിലെ കൺസൾട്ടന്റ് സർജൻ ഡോ.എം.കെ. ഷാജിയെ (57) വാടക വീട്ടി​ൽ മരിച്ച നിലയിൽ കണ്ടെത്തിയ സംഭവത്തിൽ ചേർത്തല പൊലീസ് അസ്വാാഭാവിക മരണത്തിന് കേസെടുത്തു. സംഭവത്തിൽ ദുരൂഹതകളി​ല്ലെന്നും പൊലീസ് പറഞ്ഞു. കരുനാഗപ്പള്ളി പടനോർത്ത് അജനോമൻസിലിൽ ഡോ.ഷാജിയെ ചേർത്തല ഗവ.എസ്.എൻ.എം ബോയ്സ് ഹയർ സെക്കൻഡറി സ്‌കൂളിന് കിഴക്ക് വശത്തെ വാടക വീട്ടിൽ ചൊവ്വാഴ്ച വൈകിട്ടാണ് മരിച്ച നിലയിൽ കണ്ടെത്തിയത്. ഇന്നലെ ഉച്ചയോടെ ആലപ്പുഴ മെഡി. ആശുപത്രി​യി​ൽ പോസ്​റ്റ്മോർട്ടത്തിന് ശേഷം മൃതദേഹം ബന്ധുക്കൾ ഏ​റ്റുവാങ്ങി.