ചെങ്ങന്നൂർ:എസ്.എൻ.ഡി.പി യോഗം ചെങ്ങന്നൂർ യൂണിയന്റെ ആഭിമുഖ്യത്തിൽ യൂണിയൻ ഷോപ്പിംഗ് കോപ്ലക്സിലെ സരസകവി മൂലൂർ സ്മാരക ഹാളിൽ ഇന്നും നാളെയും പ്രീമാര്യേജ് കൗൺസിലിംഗ് ക്ലാസുകൾ നടക്കും. ഇന്ന് രാവിലെ 9.30 ന് യൂണിയൻ ചെയർമാൻ അനിൽ അമ്പാടി കൗൺസിലിംഗ് ക്ലാസിന്റെ ഉദ്ഘാടനം നിർവഹിക്കും. യൂണിയൻ അഡ്.കമ്മറ്റി വൈസ് ചെയർമാൻ പി.ആർ.രാഖേഷിന്റെ അദ്ധ്യക്ഷത വഹിക്കും. യോഗത്തിൽ യൂണിയൻ അഡ്.കമ്മറ്റി അംഗം മോഹനൻ കൊഴുവല്ലൂർ സ്വാഗതവും സരേഷ് വല്ലന നന്ദിയും പറയും രാജേഷ് പൊന്മല, സരേഷ് പരമേശ്വരൻ, ആശാപ്രദീപ്, കൊടുവഴങ്ങ ബാലകൃഷ്ണൻ, ഡോ.അനൂപ് വൈക്കം, ഡോ.ശരത് ചന്ദ്രൻ എന്നിവർ വിവിധ വിഷയങ്ങളിൽ ക്ലാസ് നയിക്കും. നാളെ വൈകിട്ട് 4.30 ന് യൂണിയൻ അഡ്.കമ്മറ്റി അംഗം കെ.ആർ.മോഹനന്റെ അദ്ധ്യക്ഷതയിൽ കൂടുന്ന സമാപന യോഗത്തിൽ യൂണിയൻ കൺവീനർ അനിൽ പി.ശ്രീരംഗം പഠിതാക്കൾക്കുള്ള സർട്ടിഫിക്കറ്റുകൾ വിതരണം ചെയ്യും യൂണിയൻ അഡ്.കമ്മറ്റി അംഗം ബി.ജയപ്രകാശ് തൊട്ടാവാടി സ്വാഗതവും എസ്.ദേവരാജൻ നന്ദിയും പറയും.