ആലപ്പുഴ: കടലും തീരവും പ്ലാസ്റ്റിക് മാലിന്യ മുക്തമാക്കുക എന്ന ലക്ഷ്യത്തോടെ ഫിഷറീസ് വകുപ്പ് നടപ്പാക്കുന്ന ശുചിത്വ സാഗരം സുന്ദര തീരം കാമ്പയിനിന്റെ ഭാഗമായി ഇന്ന് വൈകിട്ട് 4.30ന് രമേശ് ചെന്നിത്തല എം.എൽ.എയുടെ നേതൃത്വത്തിൽ തറയിൽക്കടവ് ജംഗ്ഷൻ മുതൽ വലിയഴീക്കൽ ലൈറ്റ് ഹൗസ് വരെ കടലോര നടത്തം സംഘടിപ്പിക്കും. ആറാട്ടുപുഴ പഞ്ചായത്തിലെ തീരദേശ സ്‌കൂളുകളിലെ വിദ്യാർത്ഥികൾക്കായി നടത്തിയ ചിത്രരചന, ക്വിസ് മത്സര വിജയികൾക്കുള്ള സമ്മാനദാനവും രമേശ് ചെന്നിത്തല നിർവഹിക്കും.