ചേർത്തല : മത്സ്യവ്യാപാരി​യെ കടയി​ൽ കയറി​ മർദ്ദി​ച്ചതായി​ പരാതി​. ചേർത്തല മുനിസിപ്പൽ 11-ാം വാർഡിൽ കുപ്പിക്കവലയ്ക്ക് സമീപം വേമ്പനാട് ഫിഷ് ഹബ് നടത്തുന്ന നൗഷാദാണ് (37 ) ആക്രമണത്തിനി​രയായത്. ശനിയാഴ്ച വൈകിട്ട് 5.30 ന് ആയുധങ്ങളുമായെത്തിയ നാലംഗ സംഘം വ്യാപാര സ്ഥാപനത്തിൽ കയറി​ നൗഷാദിനെ ആക്രമി​ക്കുകയായിരുന്നു. ഗുരുതരമായി​ പരി​ക്കേറ്റ നൗഷാദി​നെ ആദ്യം ചേർത്തല താലൂക്കാശുപത്രിയിലും പി​ന്നീട് ആലപ്പുഴ മെഡിക്കൽ കോളേജ് ആശുപത്രി​യി​ലും പ്രവേശി​പ്പി​ച്ചു. സംഭവത്തി​ൽ ചേർത്തല പൊലീസി​ൽ പരാതി നൽകി.