ആലപ്പുഴ: നെഹ്റു ട്രോഫി ജലോത്സവത്തിന്റെ പ്രചാരണ പ്രവർത്തനങ്ങളുടെ ഭാഗമായി കോളേജ് വിദ്യാർത്ഥികൾക്കായി സംസ്ഥാനതലത്തിൽ സംഘടിപ്പിക്കുന്ന കമന്ററി മത്സരം 27ന് നടക്കും. മത്സരവേദിയിൽ പ്രദർശിപ്പിക്കുന്ന ചുണ്ടൻ വള്ളങ്ങളുടെ മത്സരത്തിന്റെ തത്സമയ മലയാളം കമന്ററിയാണ് അവതരിപ്പിക്കേണ്ടത്. ആൺകുട്ടികൾക്കും പെൺകുട്ടികൾക്കും ഒരേ വിഭാഗത്തിലായിരിക്കും മത്സരം. പങ്കെടുക്കുന്നതിന് 26ന് വൈകിട്ട് നാലു വരെ രജിസ്റ്റർ ചെയ്യാം. രജിസ്റ്റർ ചെയ്യുന്നതിന് പേര്, വിലാസം, പഠിക്കുന്ന കോഴ്സ്, കോളേജ്, ഫോൺ നമ്പർ എന്നിവ ntbrcc22@gmail.comൽ അയയ്ക്കണം. സബ്ജക്ട് ലൈനിൽ NTBR commentary competition എന്ന് ചേർക്കണം. മത്സരത്തിന് എത്തുമ്പോൾ വിദ്യാർത്ഥികൾ പഠിക്കുന്ന കോളേജിൽ നിന്നുള്ള സാക്ഷ്യപത്രം ഹാജരാക്കണം. ഫോൺ: 7025608507.