ആലപ്പുഴ: നെഹ്രു ട്രോഫി വള്ളം കളിക്കുള്ള വള്ളങ്ങളുടെ രജിസ്‌ട്രേഷൻ ഇന്ന് അവസാനിക്കും. റവന്യൂ ഡിവിഷൻ ഓഫീസിൽ വൈകുന്നേരം അഞ്ചു വരെ രജിസ്റ്റർ ചെയ്യാം.പതിനൊന്ന് ചുണ്ടൻ വള്ളങ്ങൾ ഉൾപ്പെടെ 56 വള്ളങ്ങളാണ് ഇതുവരെ രജിസ്റ്റർ ചെയ്തത്.
നെഹ്രുട്രോഫി വള്ളം കളി കാണുന്നതിനായി പുന്നമട കായലിൽ നെഹ്രു പവലിയന്റെ വടക്കു ഭാഗം മുതൽ ഡോക് ചിറ വരെ മോട്ടോർ ബോട്ടുകളും ഹൗസ് ബോട്ടുകളും മറ്റു വള്ളങ്ങളും നിർത്തിയിടുന്നതിന് നിശ്ചിത തുക നൽകണം. കാറ്റഗറി ഒന്നു മുതൽ നാലു വരെയുള്ള വാഹനങ്ങൾക്ക് യഥാക്രമം 10000, 25000, 40000, 50000 രൂപ നിരക്കുകളിലാണ് ഫീസ്. മേഖലയിൽ ബോട്ടുകളും മറ്റും നിർത്തിയിട്ട് വള്ളം കളി വീക്ഷിക്കാൻ ഉദ്ദേശിക്കുന്നവർ തുക ആലപ്പുഴ റവന്യൂ ഡിവിഷണൽ ഓഫീസിൽ അടയ്ക്കണം. ഫീസ് അടയ്ക്കാത്ത വാഹനങ്ങൾ ഇടുന്നതിന് അനുവദിക്കില്ല.